Het zijn comen in rechte voe(r) meye(r) en(de) scepen(en) van loeven(e) baudewijn/ ende willem van halleer gebruede(re) zoene baudewijns wijlen van halleer/ ter eenre zijden ende lancelot le begghe geheeten van gheete alse geleydt/ totten goeden mathijs van gheete ter ande(re) Aldaer de voirs(creven) lancelot sijn/ voirs(creven) beleydt lesen doende dede opdoen dat hem de voirs(creven) gebruede(re)n onge/ bruyck deden aen alrehande goede h(ier) nae bescreven bege(re)nde d(aer)af in sijnen/ beleyde gehouden te werdden ende hadden de selve gebruede(re)n yet aen te/ spreken dat zij dat doen mochten met rechte Daerop de voirs(creven) gebruede(re)n/ deden seggen dat hen des v(er)wonderde ende dat de voirs(creven) lancelot met sijne(n)/ beleyde volgen mochte des voirs(creven) mathijs goede maer dat hij v(er)doolt wa(r)e/ad aen dese nemelijke goede byden redenen h(ier) nae bescreven geruert inder/ aenspraken want baudry wijlen van halleer ende jouffrouwe marie van/ cleyn halleer zijn wettighe huysvrouwe de voirs(creven) goede besaten alse hoir/ wettighe erve ende dat jouffrouwe marie daer voe(r) starff alse uut hoe(re)n/ wettigen erve ende dat de voirs(creven) baudry d(aer)inne sittende bleef als een toch/ tene(r) ende d(aer)nae d(aer)uut verstarff alse uut sijnre erftocht en(de) dat de selve/ gehuysschen een wettighe docht(er) acht(er) lieten geheeten jouffr(ouwe) hadewijch/ daer de voirs(creven) goede opquamen en(de) v(er)erffden en(de) dat de selve hadewijch/ vergaerde nae staet der heylig(er) kercken met eene(n) geheeten jehan del/ piere ende dat dese jan ende hadewijch de voirs(creven) goede oec besaten alse/ hoire wettich erve ende dat d(aer)nae de selve jouffr(ouwe) hadewijch daer uut/ starff alse uut hoe(re)n wettigen erve en(de) daernae jehan de le piere als uut/ sijnre tocht sond(er) wettighe geboerte acht(er) te laten van hoerer beid(er) live/ Seggende noch de voirs(creven) aenleggers dat de voirs(creven) baudry eene(n) wettige(n)/ brued(er) hadde oic geheeten baudewijn van halleer welcke hoirer beid(er)/ wettich vad(er) was en(de) also waren de selve aenlegg(er)s ende de voirs(creven) hade/ wijch wettighe gebrued(er) kynde(re) en(de) rechte erfgename(n) vanden voirs(creven) goede(n)/ daer hadewijch uutgestorven was alse tocht(er)sse ende jehan del piere/ inne bleef zittende alse tochte(re) en(de) also wae(re)n de voirs(creven) goede nae daflivich(eit)/ vanden selven de le piere comen ende v(er)storven op daenlegg(er)s ende dat/ zij de naeste levende wae(re)n vanden voirs(creven) goeden ende vand(er) zijden daer/ die aff comen wae(re)n ende dat dese poenten waer wa(r)en boden de selve/ aenleggers te thoenen en(de) metten mynsten daer zij inden rechte mede/ lijden mochten hopende waer zij dat gethoenen konnen dat de voirs(creven) aen/legg(er)s hoirs v(er)mets ne(m)m(er)meer thoenen en soude want de voirs(creven) mathijs/ vanden voirs(creven) del piere and(er)s wael v(er)sien wae(re) dat de de voirs(creven) lancelot/ aende voirs(creven) goede v(er)doolt es en(de) dat die den selven aenlegg(er)s volgen/ sullen en(de) sculdich sijn te volgen etc(etera) Den voirs(creven) lancelot d(aer)op v(er)antw(er)dende/ dede seggen dat de voirs(creven) aenlegg(er)s hoirs v(er)mets ne(m)m(er)meer thoenen en/ souden hopende dat hem en(de) sijnen beleyde die aensprake gheen onstade doen/ en soude want de voirs(creven) jouffr(ouwe) marie wettighe huysvrouwe vanden/ voirs(creven) baudry en(de) jouffr(ouwe) lijsbeth moed(er) des voirs(creven) mathijs van/ gheete welck mathijs den voirs(creven) lancelote de brieve bekent heeft/en(de) de voirs(creven) jouffr(ouwe) marie wettighe gesuste(re)n wa(r)en en(de) dat de goede/ quame(n) op der voirs(creven) hadewighen ende also wae(re)n mathijs van gheete
//
en(de) hadewijch wettig(er)e sust(er) kynde(re) ende der selv(er) goede naerd(er) van/ geboerten dan daenlegg(er)s voirs(creven) Biedende dese poenten te thoenen/ metten mynsten etc(etera) hopende dat mids volcomen(en) vandien ende vele/ d(er)handen reden(en) die hij d(aer)toe allegeerde hem en(de) sijnen beleyde de voirs(creven)/ goede volgen souden en(de) sculdich wae(re)n te volgen hen des gedragen(de)/ totten rechte Naeden welken de voirs(creven) p(ar)tien thoiren thoenisse gewijst/ wordden en(de) ten dage van thoeniss(e) es comen inden rechte de voirs(creven)/ baudewijn en(de) by hem joffr(ouwe) katline des voirs(creven) willems wettich/ wijf want de voirs(creven) willem tusschen den daghe van thoenisse aflivich/ wordden was met behoirlijken borgen inden rechte dienende voe(r) hoe(r)/ gedaen te weten v(er)borght bijden selven baudewijne hoe(re)n swag(er) ende/ hubrechten matelot Thoenende met vier goeden ma(n)nen dafcomen/ vand(er) geboerten also zij hen v(er)meten hadden tuygende de selve dat/ de voirs(creven) aenlegg(er)s de naeste levende wa(r)en vande(n) voirs(creven) baudry/ en(de) dat hoe(re) beste konde wae(re) dat de selve goede comen waren/ vand(er) zijden vanden voirs(creven) baudry hoe(re)n wettigen oem dragende/ voirts dat de voirs(creven) jouffr(ouwe) baudrijs wijf mathijs moeye geboren/ wa(r)e van cleyn halleer en(de) de voirs(creven) baudry van groot halleer wa(r)e/ geboren daer de goede alle gelegen sijn Seggen doende de voirs(creven)/ aenlegg(er)s inden rechte dat zij oec te vreden wae(re)n dat den voirs(creven)/ lanceloten of mathijse volgen vanden voirs(creven) goeden drie en(de) een half/ boend(er) die daenlegg(er)s alnoch den voirs(creven) mathijse ov(er)ghaven en(de) p(rese)nteerde(n)/ voe(r) allen vo(n)niss(e) te laten volgen hopende en(de) sluytende mids desen/ thoeniss(e) de voirs(creven) aenlegg(er)s dat hen alle dande(re) goede volgen souden/ en(de) sculdich waren te volgen etc(etera) Hier nae thoende de voirs(creven) lancelot/ dat de voirs(creven) mathijs vand(er) moed(er) weghen also nae maegh wa(r)e/ alse de voirs(creven) aenlegg(er)s en(de) thoende dat vanden voirs(creven) goeden v(er)crege(n)/ wa(r)en yerst tweelf groot roeden noch elf groot roede(n) en(de) negen/ groot roeden vier groot roeden en(de) i boend(er) lants hopende mids/ desen thoenisse de voirs(creven) lancelot dat hem en(de) sijne(n) beleyde dese naest/ voirscr(even) goede volgen sullen en(de) dat hem voirts alle de voirs(creven) goede/ sullen volgen of ten ut(er)sten de helicht vanden selve(n) goeden etc(etera) Hier/ nae de scepen(en) van loeven behoirlijc gemaent nae aensprake ver/ antw(er)den en(de) thoeniss(e) van p(ar)tien wijsden voe(r) een vo(n)niss(e) dat dov(er)gheve(n)/ dat daenlegg(er)s vanden voirs(creven) drie en(de) een half boend(er) gedaen hebben/ stadgrijpen sal en(de) dat den selven aenlegg(er)s alle dande(re) goede volgen/ sullen also verre alst noch voe(r) hen scepen(en) comen wa(r)e Iudicatu(m)/ p(er) m(ichael) abs(oloens) roelants j(aspar) abs(oloens) witte vynck lynthe(re) meersb(er)ge fe(r)ia v[ta] julii/ ulti(m)a a(nn)[o] liii/ H(ier) nae volgen de goede daer tvoirs(creven) gedinge/ af geweest es de welke inde(n) rechte gelese(n)/ wa(r)en/ Yerst een huys en(de) hoff gelegen te grand halley tusschen de goede reynnarts/de grand halley en(de) ghijssy/ / It(em) inden velde van pottenir xviii groot roeden lants tusschen de goede d(er)/ armen van petit halley en(de) de goede robbeerts de f(er)me/ It(em) op tselve velt twelf groot roeden lants tusschen de goede jans de/ rain ende de goede lieb(er)t van halley/ It(em) d(aer) bij een dachmael lants reengenoot m(ijn) jouffr(ouwe) dure en(de) de goede wille(m)s/ de strelle/It(em) op tselve velt viii groot roeden lants reengenoot darme van petit halley/ en(de) de goede robbeerts de f(er)me/ It(em) op tselve velt een dachmael lants dtusschen de goede s(in)te katlijne(n) van/ cleyn halley en(de) op dand(er) zijde a samenet/ It(em) op tselve velt vier groot roeden lants tusschen de goede robbeerts de f(er)me/ en(de) de goede lyeb(er)t van halley/ It(em) genoech d(aer) by vier groot roeden lants gelegen tusschen de goeden meester/ willems van halley en(de) de goede ernal de sotial/ It(em) op tselve velt een half boend(er) lants tusschen de goede wera werot en(de)/ den voetpat die gaet van cleyn halley tot saurs/ It(em) genoech d(aer) bij twee groot roeden lants gelegen tusschen de goede h(er)/ willems van halley ridde(re) en(de) de goede grand mychart le bastart de halley/ It(em) op selve velt vi groot roeden lants gelegen tusschen de goede anseaul/ delle gouff en(de) de goede jans de racourt/ It(em) int velt geheeten de sain nina een boend(er) lants gelege(n) tusschen de goede/ der kynde(re) boudechon boxi en(de) de goede anseaul delle gouff/ It(em) op tselve velt xxiiii groot roeden lants gelege(n) tusschen den wech die/ gaet van grand halley tot tyns en(de) de goede jans de strelle/ It(em) op tselve velt boven de vii fontainen gelege(n) xviii groot roede(n) lants/ tusschen de goede der armen van groot halleer en(de) de goede der kynde(re) martin/ It(em) op tselve velt xii groot roeden lants tusschen de goede anseaul delle/ gouff op de zijde te remfloet foussert waert/ It(em) op tselve velt een dachmael lants reengenoot m(ijn) vrouwe van lynthe(r)/ ov(er) beiden zijden en(de) de goede jans de strelle/ It(em) op tvelt van rouleval een boend(er) lants reengenoot de lande der he(re)n/ van sente lambrechts te ludick en(de) de goede doyarsche de sain bietremeer/ It(em) genoech d(aer) bij gelege(n) twelf groot roeden lants tusschen de goede/ jans de strelle en(de) de erfgename(n) jaq(ue)marts sotial en(de) gielijs del tour/ It(em) op tselve velt twelf groot roeden lants reengenoot aqua de pre/ m(ijn) vrouwe(n) van lynte(re) en(de) de erfgenamen pierarts de saurs/ It(em) drie groot roeden lants gelegen opden wech van molhein reengenoot/ derfgename(n) yernu jamot/It(em) vier groot roeden lants gelege(n) by ev(er)nas le bauduwijn/ It(em) vier groot roeden lants gelegen bijden wech van ha(n)nut tusschen de/ goede jans van latinc op de zijde te tyns waert/ It(em) iii(½) dachmael lants gelegen in drie stucken en(de) bijde beemde van/ tyns en(de) dese drie stucken houdt ten erfpachte lowy die(n) de docht(er) heeft/ van helunaul/ It(em) te arbiseaul van grand halley iii(½) groot roeden lants reengenoot/ m(ijn) vrouwe van lynthe(r) en(de) de erfgename(n) van grand willa(m)me/ It(em) int velt boven de wijng(ar)de van halley vier groot roeden lants/ reengenoot anseaul de gouff en(de) de goede robbeerts de f(er)me en(de) den wech/ die gaet van petit halley te croiset/ / It(em) bij croiset drie groot roeden lants reengenoot lyeb(er)t de halley/ It(em) boven de wijng(ar)de van halley vier groot roeden lants reengenoot m(ijn)/ vrouwen van lynthe(r) ov(er) beiden zijden/ It(em) xix groot roeden lants gelegen boven de wijng(ar)de reengenoot m(ijn) vrouwe/ van lynte(r) en(de) derfgename(n) jaq(ue)mart sotiaul/ It(em) inde selve gelende vier groot roeden lants reengenoot abeert de linsen/ op de zijde te halleer waert/ It(em) genoech d(aer) bij vier groot roeden lants reengenoot m(ijn) vrouwe van lynte(r)/ ov(er) beiden zijden/ It(em) xviii groot roeden lants gelegen ond(er) le croiset gaende van petit halley/ te lijsen reengenoot libert de hallay en(de) jan macour de linsen/ It(em) xviii groot roeden lants reengenoot aende drie boend(er) m(ijn) vrouwen van/lynte(r)/ It(em) inde selve gelende seven groot roeden lants en(de) gelegen aende voirs(creven)/ xviii groot roeden lants/ It(em) een dachmael lants gelegen acht(er) juppley reengenoot de lande der he(re)n/ van s(in)te lambrechts en(de) den wech gaende van grant halley te houtain acht(er)/ juppley/ It(em) inde gelende van arbeseal gelege(n) een boend(er) lants reengenoot m(ijn) vrouwe/ van lynte(r)/ It(em) op tselve velt (½) boend(er) lants reengenoot h(er) willem van halleer ridd(er)/ en(de) den wech gaende van arbeseal te houtain/ It(em) ix groot roeden lants gelegen a le arbesial van grand halley en(de)/ den wech gaende van arbeseal a le croiset/ It(em) en foy de chainne een dachmael lants reengenoot jan de strelle/ ov(er) beiden zijde(n)/ It(em) inde selve gelende een dach(mael) lants gelegen neve(n) de beemde ald(aer) en(de)/ de goede jans de strelle en(de) de bosschen m(ijn) vrouwen van lyntre/ It(em) viii groot roeden lants gelegen acht(er) juppley reengenoot m(ijn) vrouwe/ van lyntre ov(er) beiden zijden en(de) den wech die gaet en foy de chainne/ It(em) een dach(mael) lants gelegen ze(re) bij den weghe die gaet van ev(er)nay/ tot lysain en(de) dboend(er) de bovir van hulpiaul/ It(em) d(aer) bij (½) boend(er) lants reengenoot anceal delle gouff en(de) george/ de crehain/ It(em) op tselve velt acht groot roeden lants gelegen te houtain waert/ It(em) d(aer) bij seven groot roeden lants gelegen bijden ge weghe die/ gaet van halley te houtain/ It(em) inde selve gelende xi groot roeden lants gelege(n) bove(n) de weghe/ van ev(er)nay/ It(em) op tcleyn velt torp le grand waert xvi groot roede(n) lants reen/ genoot h(er) willem van halleer ridd(er) en(de) wera werot/ It(em) inde selve gelende viii groot roeden lants reengenoot lieb(er)t van/ halley en(de) de erfgename(n) le petit mychar/ It(em) op tvelt neve(n) orp le grand xi groot roede(n) lants tussche(n) de goede/ h(er) willems van halleer ridd(er)s en(de) robbeert de f(er)me en(de) gielijs de post/ It(em) op tselve velt vier groot roeden lants reengenoot jan forinal en(de)/ robb(er)t de f(er)me/ It(em) op tselve velt vier groot roede(n) lants gelege(n) ter zijde(n) va(n) orpleg(ra)nt/ It(em) vii groot roede(n) lants gelege(n) acht(er) ev(er)nay le baudewijn neve(n) de/ goede van ons(er) liev(er) vrouwe(n) van ev(er)nay/ It(em) xiiii groot roeden lants gelege(n) in twee stucke(n) t(er) plaetse(n) geheete(n) orp/ le grand neve(n) de goede h(er) willems van halleer ridd(er)s