SAL7747, Act: V°224.3 (488 of 745)
Search Act
previous | next
Act V°224.3  
Act

Transcription

2012-02-21 by Jos Jonckheer
Item willem de pauw van hekelghem jan en(de) henrick boudens/
gebruede(re)n beide swage(re)n des voirs(creven) willems in deen zijde en(de)/
steven de man oic van hekelgem in dande(re) in teg(enwoirdicheit) d(er) scepen(en)/
van loeven gestaen hebben malcande(re)n geloeft dat zij deylen/
selen zust(er)[lic] en(de) brued(er)lic met den ghenen die daer meer toe behoe(re)n/
de vercregen goede hen gebleven na de doot roelofs wilen boudens/
en(de) wilen lijsbettens vanden oudenhove zijns wijfs en(de) van/
hoe(re)n kijnde(re)n Alsoe dat naden rechte d(er) stad van loeven sculdich es/
en(de) behoirt gedeilt te zijne Ende hebben voirt geloeft malc den/
ande(re)n dat zij te geliken coste dragen selen en(de) betalen en(de) de costen va(n)/
rechte die zij om d(er) voirs(creven) goede wille gedaen hebben en(de) dat zij/
in wed(er) zijde vervaen en(de) in dien hebben selen de ghene die/
met hen inde voirs(creven) goede behoe(re)n te deylen dat zij dit al vast/
en(de) van weerden houden selen sond(er) argelist eisd(em)/
ContributorsInge Moris
Moderated byInge Moris
Last update: 2012-02-21 by Inge Moris