Cond zij allen lieden dat merten boeys van vorst zoen wilen/ wout(er)s en(de) digne zijn huysvrouwe in teg(enwoirdicheit) d(er) scepen(en) van loeven/ gestaen hebben genomen en(de) bekend dat zij genomen hebben van/ janne vanden eynde geheten vanden hove zoen wilen gheerds/ en(de) he(re)n gheerde de molde(re) prieste(r) alse geleidt tot den goeden/ joffr(ouwe) m(ar)grieten vanden goed goere weduwe des voirs(creven) wilen geerts/ en(de) moed(er) des voirs(creven) jans Thof d(er) selv(er) joffr(ouwe) magrieten en(de) jans/ hoirs zoens geheten [thof] in gheeren goere met den beemden eeussele(n)/ en(de) wynnende lande [den selven hove toebehoe(re)nde] gelegen tot tessend(er)loe Te houden te hebbe(n)/ en(de) te wynnen van halfmeerte naestcomen(de) eene(n) t(er)mijn van sess/ jae(re)n langh deen na dand(er) sond(er) middel [volgen(de)] Elx jaers dae(re)n bynnen/ te weten de voirs(creven) wynnende lande voe(r) elf mudde rogs goets/ en(de) payabels alsulcx als opte voirs(creven) lande jairlix wassen sal/ d(er) maten van diest ts(in)te andriesmisse ap(oste)ls te betalen en(de) op/ een mijle omgaens tessend(er)loe daert den voirs(creven) h(ere)n geerde [joffr(ouwe) m(ar)grieten] en(de) ja(n)ne/ best gelieven sal te leve(re)n en(de) de voirs(creven) beemde en(de) eeusselen/ om vijfen(de)vijf vijfen(de)twintich gulden clinckarts tstucke te xiiii st(uvers)/ gerekent te bamesse [elken de helicht d(aer)af] te betalen alle jare den voirs(creven) t(er)mijn due(re)nde/ en(de) telken t(er)mijne alse v(er)volghde schout It(em) es vorweerde dat/ de voirs(creven) wyn jairlix den voirs(creven) t(er)mijn due(re)nde der voirs(creven) joffr(ouwe)/ m(ar)grieten te loeven tot hoe(re)n huys leve(re)n sal sond(er) afslach d(er)/ voirs(creven) so(m)men xxv keesen elken kese van vi potten melcx drie/ gelten bote(re)n ii steene vlass ii halst(er) raepsaets en(de) tvie(re)ndeel/ van den oefte dat opte voirs(creven) goede v jairlix wassen sal en(de)/

dand(er) behoudelic als de wynne dat leve(re)n sal dat hem dan/ de voirs(creven) joffr(ouwe) magriete den montcost voe(r) hem en(de) zijn p(er)de/ geven sal It(em) dand(er) vie(re)ndeel vanden selven oefte sal de/ wynne jairlix den voirs(creven) t(er)mijn due(re)nde den voirs(creven) ja(n)ne/ te zichnen oft te diest daert hem best gelieven sal te leve(re)n/ en(de) dan sal jan hem en(de) zijn p(er)den oic den cost geven It(em)/ es hier inne ond(er)sproken oft der voirs(creven) joffr(ouwe) magriete(n) en(de) ja(n)ne/ hoe(re)n soen geliefde bynnen den voirs(creven) hove te comen woene(n)/ dat zij dan te henw(er)t hebben selen dwoenhuys met d(er) cleynre/ schue(re)n tot d(aer) zoe toe sond(er) wed(er) seggen des voirs(creven) wynnen en(de)/ sal de selve wynne jairlijx den voirs(creven) t(er)mijn due(re)nde leve(re)n/ viii[c] cusbae(re)r walmen om de huisinge ald(aer) mede te decke(n)/ en(de) alsmen die ald(aer) v(er)dect dan sal de wynne den wercklieden
//
den montcost geven en(de) de joff(rouwe) en(de) hoe(re) zoen de dachhue(re)n half/ en(de) half betalen en(de) de wynne sal de [wende vanden] huisingen ald(aer) houde(n)/ in goeden state op zijnen cost It(em) es vorwerde dat de wynne/ jairlix opte voirs(creven) goede den voirs(creven) tijt due(re)nde sal moege(n)/ houde(n) t(er) mi(n)ster schaden vi[c] mutsarts en(de) desgelijx alsoe/ vele ressche en(de) torve alse hij moegelic te berringen behoeve(n)/ sal It(em) als de voirs(creven) joffr(ouwe) magriete en(de) jan hoe(re) soen hoe(r)/ bosschen ald(aer) hebben doen houwen dan sal de wynne die/ bevreden alsoe lange dat br ii jaer langh alsoe dat vande(n)/ beesten d(aer)inne gheen schade en geschiede It(em) es vorwerde/ dat de wynne bynnen den voirs(creven) hove tsijne(n) afscheiden/ laten sal alsoe j vele stroes als hij tsijne(n) aencomen daer inne/ vant It(em) es vorwerde dat de voirs(creven) wyn tvoirs(creven) land/ wynnen mesten en(de) werven sal gelijc reengenoten boven/ en(de) beneden en(de) gheen van dien moegen hoervruchten/ en(de) tselve land laten also tsijne(n) afscheiden also hijt vynde(n)/ sal tsijnen aencomen en(de) oft de voirs(creven) wynne oft zijn huisvuwe/ bynnen den voirs(creven) t(er)mijne aflivich worden so es vorwerde/ dat zij dan de lanxste levende van hen beiden vanden voirs(creven)/ hove sal moegen scheiden te halfm(er)te d(aer) naest volgende/ en(de) desgelijx oft selen de voirs(creven) wynne en(de) joffr(ouwe) m(ar)griete/ en(de) hoe(re) soen te halven tijde van malcande(re)n moegen scheide(n)/ by alsoe dat de gheene die scheiden wilt dat den ande(re)n/ een half jaer te voe(re)n kundigen sal It(em) sal de selve wyn/ de voirs(creven) beemde eeussele(n) en(de) lande wel en(de) loflic bevreden/ en(de) begrechten en(de) die also bevredt en(de) begrecht laten Ende/ alle dese vorwerden etc(etera) witte vyncke fe(bruarii) xix/