Item de voirs(creven) jan p(er)soens heeft geloeft den voirs(creven) gehuysschen de voirs(creven) lijftocht/ bynnen xiiii nachten naistcomen(de) te bewijsen aen ende op sijn huys ende hof/ met sijnre toebehoirte(n) gelegen te campenhout t(er) plaetsen geheten te zittert/ tusschen de goede sgoidshuys van cortenberghe ende willems vanden dorpe ende/ hen d(aer)af voe(r) hof ende he(re) alsulke vestich(eit) te doen als dat sij d(aer)mede v(er)waert zijn/ welke goede hij hem nu gewarendeert heeft op viii s(tuvers) ende v i d(enier) lov(ensche) ende ii/ cap(uyne) outs tsijs ende voirts geloeft vand(er) voirs(creven) guedingen altijt genoech te/ doen of hen yet te nauwe d(aer) inne geschiet wae(re) Ende de selve vestich(eit) geschiet/ zijnde so en selen de voirs(creven) gehuysschen hen metden voirs(creven) lijftochtbrieve niet/ voird(er) behelpen dan om jairlijcx betalinge d(aer)af te hebben ten wae(re) dat sij e(n)nich/ gebreck bevonden ind(er) guedingen voirs(creven) want alsdan souden sij hen behelpen/ moegen metden selven brieve na inhoud vandien sonder argelist eisd(em)/