Cond zij allen lieden dat arnd boxhoren natuerlic renu(n)cie(re)nde in des(e)/ d(er) p(ri)vilegien vand(er) univ(er)sit(eit) van loeven heeft genomen en(de) bekend dat hij/ genomen heeft vanden mombo(r)en en(de) clercke d(er) infirmarien vanden/ grooten beghijnhove te loeven eenen beemd d(er) voirs(creven) infirmarien toebe/ hoiren(de) omtrint een half boend(er) groot gelegen op en(de) buyten d(er) stad/ vesten aende veeweye tuschen de lande des voirs(creven) arnts aen deen/ zijde en(de) de dijle aen dand(er) zijde ende de voirs(creven) veste t(er) derder/ zijden Te houden te hebben en(de) te gebruycken vanden dage van/ heden eenen t(er)mijn van tweelf ja(r)en langh deen na dand(er) sond(er)/ middel volgende Elcx jaers dae(re)n bynnen voe(r) en(de) om sesse/ gulden pet(er)s d(er) mu(n)ten sh(er)togen van bourg(oignen) en(de) van brabant goet/ en(de) ghinge of achtien stuv(er)s d(er) mu(n)ten voirs(creven) voe(r) elken pet(er) gereke(n)t/ Te sinte m(er)tensmisse vallende en(de) d(aer)na te kersmisse ombegrepen te/ betalen d(er) voirs(creven) infirmarien alle jare den voirs(creven) t(er)mijn due(re)nde en(de)/ telken t(er)mijne alse v(er)volghde schout Ende es vorwerde dat de voirs(creven)/ arnd op dat hem gelieft den voirs(creven) beemd sal moegen uutgrave(n)/ tot kareele d(aer)af te backen zijnen voirs(creven) t(er)mijn due(re)nde by alsoe/ dat hij duutgraven wed(er) slichten en(de) vullen sal mett(er) eerden uut(er)/ voeren voirts es vorwerde dat de voirs(creven) arnd setten sal opte(n)/ voirs(creven) beemd bynnen den iersten drie ja(r)en ten meesten p(ro)ffijte/ d(er) voirs(creven) infirmarien en(de) te mynsten hynde(re) des voirs(creven) arnts aen/ zijn uutgraven voirger(uert) also vele cusbae(re)r alboemen poten datt(er) by(n)ne(n)/ den selven tide en(de) ten uutgaen van dien aldaer zelen zijn hondert/ wassende en(de) beclivende Hier wa(r)en ov(er) kersmake(re) oppend(orp) julii xv