It(em) he(re) en(de) meest(er) jan stockelpot alse prochiaen van s(in)te jacobs op te biest/ arnd lobbe en(de) jan de prijke(re) alse kerckmeest(er)s der selver kercken ende/ vander selver kercken wegen t(er) eenre zijden en(de) qui(n)ten ende/ goessen vand(en) schoend(er)hagen gebruede(re)n alse geleidt tot den goede(n)/ m(ar)grieten hoe(re)n moed(er) de welke zij in desen geloven te vervaen t(er)/ ande(re) in p(rese)ncia (et)c(etera) hebben hen met rade van vrienden gekeert/ en(de) gesubmitteert van alsulken geschilde als zij uutstaende hebbe(n)/ deen tegen dand(er) van zeke(re)n makingen van zeke(re)n chijsgoeden/ die jan wilen van laetwijck en(de) machtelt zijn huysvrouwe d(er)/ voirs(creven) kercken gelaten hebben souden op zeke(re) goede en(de) pande/ gelegen inde p(ro)chie van roesbeke en(de) des d(air)aen cleven mach
//
in vriendelike segge(re)n en(de) yffene(re)n Te weten inden eerw(er)dige(n)/ he(re) meest(er) janne van gronsselt en(de) meest(er) janne dele coste[ci]rie/ in alsulker vuegen dat de voirs(creven) p(ar)tien tuschen dit en(de) half/ vasten(en) naestcomen(de) hoir bescheit mondelinge oft met gesc(ri)fte/ der voirs(creven) segge(re)n bibringen zelen en(de) oft zij eed of wairheit/ behoeven oft bege(re)n te hebben dat hen dat de p(ar)tien by(n)ne(n)/ xiiii nachten naden voirs(creven) halfvasten(en) doen selen en(de) d(air)na/ selen de voirs(creven) segge(re)n bynnen viii dagen oft zij hoe(re)r uutsp(ra)ke(n)/ ov(er)comen uutenen voir notar(is) en(de) getuygen en(de) in p(rese)ncien/ van p(ar)tien oft zij dair by comen comen willen welcke/ uutsprake en(de) seggen de voirs(creven) p(ar)tien verthijen(de) (et)c(etera) hebben/ geloeft vast en(de) gestentich te houden op eenen banduyn/ en(de) pene van x guld(en) ryd(er)s tot m(ijns) gened(ichs) h(ere)n behoef cor(am)/ kersmake(re) roelofs fe(bruarii) xx