SAL7748, Akte: V°298.1 (1657 van 1672)
Akte V°298.1
Act
Transcriptie
2012-12-17 door Jos JonckheerItem jan vanden hove zoon wilen bouwens die [also hij seyde] gegoedt es en(de) gevesticht/voe(r) mijnen gened(ichs) he(re) den hertoghe en(de) zijn ma(n)ne van leene inde vorsterie/van ha(n)nut met hoe(re)r toebehoirten van werarde en(de) symoene van/vinaulmont gebruede(re)n de welke de selve werard van mijnen gened(ichs)/he(re) erflic te leene houdende was Es comen in jegewoirdicheiden/der scepen(en) van loeven en(de) heeft geconsenteert en(de) gewillecoert den/voirs(creven) werarde dat hij de selve vorsterie sal moegen lossen ende/quijten bynnen drie jae(re)n na dat(um) des briefs eenp(ar)lic vervolgende/mett(er) so(m)men van negentich gulden pe(n)ni(n)gen geheten rijd(er)s d(er) mu(n)ten/ons gened(ichs) he(re)n tshertogen voirs(creven) van goude goet en(de) geve te betale(n)/en(de) te setten op ter stad wissel van loeven Met vorwerden oft hij/die alsoe bynnen den selven tide quijtt dat hem dan de voirs(creven)/jan vanden hove de voirs(creven) vorsterie weder ov(er)geven sal voe(r) mijne(n)/gened(ichs) he(re) oft zijnen stadhelde(re) en(de) zijn ma(n)ne van leene by alsoe/dat de selve werard alsdan betalen sal alle costen die d(air)op gaen/selen het zij hergeweden kemerlinc recht ma(n)ne recht en(de) alle/ande(re) costen en(de) rechten te gade(re) met alsulken costen alse de voirg(eruerde)/jan vanden hove d(air)om doen zoude of hij dair o(m)me tot e(n)nig(er)/plaetsen trecken moeste voert heeft geloeft de voirs(creven) werard den/voirg(eruerde) janne vanden hove dat hij bynnen xiiii naestc nachten/naestcomen(de) brengen sal in handen hildegheerds van holsbeke/alsulken leenbrieve en(de) ande(re) als hij vand(er) voirs(creven) vorsterien heeft/om dair te bliven en(de) te berusten tot den eynde vanden voirscr(even)/drie jae(re)n te dien eynde of hij de selve vorsterie gelijc voirs(creven)/es niet en quijtte dat dan de selve brieve volgen selen den/voirs(creven) janne abs(oloens) prijke(re) junii xii/
Nagekeken door: Sabrina Keyaerts
Moderator: Sabrina Keyaerts
Laatste update:: 2012-12-17 door Sabrina Keyaerts