Item vanden gedinge dat geweest es voe(r) meye(r) en(de) scepen(en) van/loeven tuschen woute(re)n goetgeluck die geleidt es tot den/goeden henricks van houwagen in deen zijde en(de) pete(re)n va(n)/houwagen oem des voirs(creven) henricx in dande(re) alse vanden/goeden hier na bescreven daer voirtiden uutgestorven was/ivete van houwagen als [erf]wijf en(de) d(aer)inne na hue(r) wae(re)/bleven sittende robbrecht van coelene hoe(re) man als een/vreemd tochtene(re) Te weten van eenen beemde gelegen tusche(n)/lynthe(re) en(de) wese(re) ond(er) de banck van ned(er)lynthe(re) en(de) van/drie hollants guld(enen) erflic op huys en(de) hof gelegen te/ned(er)lynthe(re) opte plaetse toebehoe(re)nde clase struys/van welken goeden de voirs(creven) geleidde yesch deen helicht want/des voirs(creven) henrix van houwagen vad(er) geheten oic henrick/van houwagen brued(er) des voirs(creven) pet(er)s noch leefde doen/de voirs(creven) ivete aflivich waert gelijc de wed(er)p(ar)tie kynde/hevet tvo(n)niss(e) d(er) scepen(en) van loeven gewijst dat den/voirs(creven) woute(re)n en(de) zijnen beleide deen helicht inde voirs(creven)/goede volgen sal cor(am) roelofs abs(oloens) velde prijke(re) m(er)cels/oct(obris) xxiiii