Cond zij allen lieden dat joes bertelmeus zoen willems bertelmeeus ende/vande lodewijck vanden driessche zoen arnds vanden driessche beide van/ kerckem in teg(enwoirdicheit) d(er) scepen(en) van loeven gestaen hebben genomen en(de) bekend/ dat zij genomen hebben van [wille(m)me bertelmeeus en(de)] marien stockelpots weduwe arnds wilen/ de custe(r) [sijnen wive] die nu getruwt heeft den voirs(creven) wille(m)me b(er)telmeeus met/

(con)sente desselfs willems en(de) van [he(re)n en(de)] meester ja(n)ne stockelpot prieste(r)/ en(de) doctoer in medicinen brued(er) d(er) voirs(creven) marien Alle de wynnende/ lande der selver marien toebehoiren(de) alsoe verre zij dit op den dach/ van heden inde voirs(creven) prochie van kerckem en(de) d(aer)omtrint houdende es/ uutgenomen eenen hof met eenen bogaerde gelegen in [de] selve p(ro)chie/ gelijckerwijs den selven hof metten bog(ar)de den voirs(creven) joese en(de) lodewijcke/de aldaer bewesen es daer zij gheen recht aen hebben en selen maer/

de weduwe sal d(aer)mede hoe(r) p(ro)ffijt moegen doen alsoe hae(r) gelieft/ Te houden te hebben en(de) te wynnen van half merte naestcomen(de) eene(n)/ t(er)mijn van thien jaren langh deen na dand(er) sond(er) middel volgende Elx/ jaers dae(re)nbynnen op de helicht van allen den vruchten op de selve/ goede jairlix dae(re)nbynnen wassende [Ende] op de vorwerden en(de) (con)dicien/ hier na bescreven te weten dat de voirs(creven) wy(n)nen de voirs(creven) goede jairlix/ den voirs(creven) t(er)mijn due(re)nde wael en(de) loflic wynnen en(de) werven selen/ en(de) die d(aer)en bynnen [telken halven termine] tweewerven ov(er)mesten gelijc reengenoten/ boven en(de) beneden oft ten prise van goeden ma(n)nen hen des verstaende/ It(em) selen de voirs(creven) wynnen jairlix den voirs(creven) t(er)mijn due(re)nde met/ hoe(re)n wagen en(de) p(er)den omtrint willebringen [of] love(n)joul oft naerde(r)/

op halen xii voed(er) mergels oft naerde(r) op datmen goeden vynden can/ daer de voirs(creven) weduwe hen dien bewisen sal en(de) coepen opte cule/ en(de) dien zelen zij op hoe(re)n cost van daer vue(re)n opten voirs(creven) lande/ ten meesten p(ro)fijte van dien It(em) selen de voirs(creven) wy(n)nen ten afscheide(n)/ van hue(re)n voirs(creven) t(er)mijnen de voirs(creven) lande laten ind(er) manie(re)n hier na/ volgende te weten ierst tvelt geheten wivelborre brake tgist(er)velt/en(de) maelvelt gestort en(de) dmaelvelt besaeyt met goeden wynt(er) corene/ It(em) zelen de voirs(creven) wynnen jaerlix dae(re)nbynnen op hoe(re)n cost houden/ den waterloep omtrint den voirs(creven) goeden loepende van aend(er) tafelen/ bosch van kerckem totten driesche toe uute en(de) den selven waterloep/ tot zijnen afscheiden wael bevreedt en(de) gemaict laten en(de) desgelijx/ de wege en(de) straten tegen de voirs(creven) goede liggende op hoe(re)n cost jairlix/ repare(re)n en(de) maken ten behoirliken tiden sond(er) e(n)nigen cost oft last d(er) voirs(creven)/ marien It(em) selen de selve wynnen d(er) voirs(creven) marien houden twee/ verkene van merte tot lynt(re) kercmesse toe en(de) daer [voer] sal hen de selve/ marie jairlix gheven een hondert raepbroets en(de) de voirs(creven)/ wynnen selen jairlix dae(re)nbynnen den dersche(r) die d(er) voirs(creven) marien/ gedeelte derschen sal geven den montcost alsoe wale tsheilichs/ daghs en(de) tsondaighs alse de werckdage tot dat al gedorschen/ sal wesen en(de) d(aer) voe(r) selen zij hebben alle de crinsen d(aer)af comende/It(em) de voirs(creven) marie sal jairlix hie(re)n bynnen hebben de helicht van
//
en(de) d(er) voirs(creven) marien gedeelte vanden selven corene gedorschen zijnde/ zelen [zij] dat de voirs(creven) wynnen te loeven te hae(re)n huise leve(re)n en(de) dan/ sal zij he den montcost geven den ghenen diet bringen sal en(de) den/ p(er)den coren It(em) selen de voirs(creven) wynnen jairlix hie(re)n bynnen doen/ d(er) voirs(creven) marien vi corweyden met hoe(re)n waghene en(de) p(er)den van/ kerckem te loeven en(de) dan zelen zij vand(er) selv(er) weduwen den/ montcost hebben en(de) hoe(re) p(er)de coren Ende alle dese vorwerden etc(etera) [hebbe(n) geloeft de voirs(creven) wynnen den voirs(creven) gehuyschen en(de) meest(er) ja(n)ne aut alteri etc(etera)]/ j(aspar) abs(oloens) et meersberge ja(nuarii) xix
//