Item den dach van rechte mids wetteliker (con)tinuacien op heden dienende/ voe(r) meye(r) en(de) scepen(en) van loeven tuschen h(er)steven(en) van herishem ridd(er)/ bailliu van seneffe t(er) eenre zijden en(de) mahieu charle poirt(er) d(er)/ stad van loeven t(er) ande(re) es eendrechtelic uutgestelt by janne/ philippe meye(r) tot seneffe ond(er) den bailliu voirscr(even) van desselfs/ baill(iu) wegen hier t(er) onschout gesonden tot van heden in sess/ weken te mistide des de voirs(creven) philips gecocht heeft geloeft/ den voirs(creven) bailliu h(ier) inne te vervaen alsoe dat hij bynnen middele(n)/ tide den voirs(creven) poirte(r) uut ocsuyne vanden yerstbescreven(en) saken/ n(er)gens moeyen en sal dan hier dair de poirt(er) behoirt ten dage/ nu lest uutgestelt alse voirger(uert) es sond(er) argelist lynt(re) m(er)sb(er)ge/ julii x