It(em) willem du(n)nepepers van bynckem in teg(ewoirdicheit) heeft genomen ende/ bekend dat hij genomen heeft van jacobpe uuten lyemi(n)gen he(re) te/ wanghe alse geleidt tot den goeden jacobs wilen uuten lyemi(n)gen/ zijns vad(er)s thof des selfs wilen jacobs gelegen te bynckem/ met allen zijnen toebehoirten gelijckerwijs de voerwynnen/ dat gehouden hebben uutgenomen de wuwers Te houden te/ hebben en(de) te wynnen van half merte naestcomen(de) eenen t(er)mijn/ van neghen jae(re)n deen na dand(er) sond(er) middel volgende Elx/ jaers dae(re)n bynnen de wynnende lande voe(r) vie(re)nveertich mudden/ en(de) acht moelevaten hards corens met wanne en(de) vloegelen/ wail bereidt pachts van binckem en(de) mathe van thienen Te/ sent andriesmesse ap(oste)ls te betalen en(de) te thienen of te loeven/te loeven le daert den voirs(creven) jacobpe gelieven sal te leve(re)n/ alle jare den voirs(creven) t(er)mijn due(re)nde en(de) telken t(er)mijne alse v(er)volghde/ schout Ende de beemde en(de) eeussele voe(r) elf hollants guld(enen)/ goet en(de) gheve te s(in)te m(er)tens misse te betalen alle jare en(de)/ oic telken t(er)mijne alse vervolghde schout Met alsulker/ condicien waert dat den voirs(creven) wynne geliefde ten iersten/ sess jae(re)n te scheiden dat hij dat sal moegen doen by alsoe/ dat hijt jacoben een jaer te voe(re)n kundicht It(em) sal de wyn/ jairlix dae(re)n bynnen coopen lxxxv hoepe stroes d(aer)af hij de/ xl betalen sal en(de) jacob dand(er) xlv en(de) die sal de wyn halen/ en(de) slijten bynnen den voirs(creven) hove en(de) dmest d(aer)af vue(re)n opte/ voirs(creven) lande slants meesten p(ro)fijte It(em) doeft vanden voirs(creven) hove/ selen de voirs(creven) jacob en(de) de wyn hebben half en(de) half en(de) de/ wyn sal jacobs helicht te loeven leve(re)n en(de) int lesten sal/ jacob de dachue(re)n betalen en(de) de wyn den montcost geven/ It(em) sal de voirs(creven) wyn jacoppe jairlix op dat hijs beg(er)t/ een voeder visschen vue(re)n van uuten voirs(creven) hove tot loeven/ En(de) alsmen bynnen den voirs(creven) hove dect plect metst oft/ ty(m)mert van ouden wercken d(aer)af sal jacob betalen de dachue(re)n/ en(de) de wyn den montcost en(de) vand(er) und(er)ster rikelen ned(er)wart/ sal hij de huise houden wel en(de) loflic op zijnen cost en(de)/ alle jae(re) leve(re)n om de huisinge te decken twee hondert/ cusbae(re)r walme(re) It(em) sal de wyn moegen nemen zijn/ berringe aende voirs(creven) goede t(er) mi(n)ster schaden alsoe v(er)re/ zij d(aer) es zond(er) dat de wyn e(n)nich recht sal hebben inde/ bossche en(de) oft d(aer) e(n)nige boome verdroeghden uutgedaen inde/

bog(ar)de die sal de voirs(creven) wyn houwen en(de) hebben en(de) voe(r) elke(n)/ twee poten setten vanden selven aerde It(em) sal de voirs(creven) wyn/ de voirs(creven) goede wynnen en(de) werven mesten en(de) besaeyen op hoe(re)/ getidege voren wel en(de) loflic gelijc reengenoten boven en(de) benede(n)/ en(de) die laten tsijnen afscheiden gelijc hij die vynden sal te/ zijnen ae(n)comene It(em) sal wyn jairlix jacobs tzijs van byncke(m)/ jairlix te loeven leve(re)n en(de) dair voe(r) sal hij hebben tzijn tp(ro)fijt vand(en)/ duyfhuise ald(aer) lynt(re) et m(er)sberge ja(nuarii) ultima
//