It(em) es gevorw(er)t dat de voirs(creven) jan bog(ar)t voe(r) de voirs(creven) xx/ crone(n) als die gevalle(n) zijn sal moegen den voirs(creven) janne/ van wijtvliet verborgen voe(r) scepen(en) va(n) loeve(n) met p(er)sonen/ daer voe(r) goetgenoech zijnde en(de) na costu(m)e en(de) rechte/ d(er) stad va(n) loeven twee cronen tsjaers lijfpensien ten twee/ liven die den selve(n) janne van wijtvliet gelieve(n) selen en(de)/ d(aer)mede gestaen waert oic dat e(n)nige last of scade gedaen/ werdde hie(re)n tuschen opte voirs(creven) goede voer den po(n)tpe(n)ningh/ die de he(re) d(aer)aen eyschen(de) es van dat de selve goede/ der voirs(creven) marien aencomen sijn die scade en(de) last sal/ de voirs(creven) jan bog(ar)t aen tvoirs(creven) gelt moegen nemen en(de)/ afcortten eisd(em)/