It(em) meest(er) matheeus vergheertrude(n) van brugge verthijende d(er) p(ri)vilegien etc(etera)/in deen zijde en(de) henrick spynnoer barbier in dande(r) sijn comen/voe(r) scepen(en) van loeven bekynnende dat zij wae(re)n eens wordden /eenre coma(n)scap van eenen huise en(de) hove gelegen inde p(er)ckst(ra)te/tuschen de goede jans m(er)colfs en(de) svoirs(creven) henrix in des(en) vuegen/dat de selve henrick tselve gelege gecocht heeft voe(r) xii pet(er)s/en(de) xiiii stuv(er)s eens en(de) op een zwair crone en(de) iiii stuv(er)s erfchijs nu/d(aer)uutgaende van welken goeden de voirs(creven) meest(er) matheeus met/katlijne(n) zijnen wive natuerlike docht(er) marien wilen denaes guedi(n)ge/doen sal voe(r) scepen(en) van loeven en(de) oic zo verre henrick dat begheert/uuten beleide dat hij meest(er) matheeus heeft op d(er) voirs(creven) marien goede/tuschen dit en(de) ons(er) vrouwen dach nativitas naestc(omende) of by(n)ne(n) xiiii/nachte(n) d(aer)na o(n)begrepen en(de) d(aer)toe alsoe vele doen dat hem vast en(de)/genoech sijn sal en(de) als vand(er) guedingen uuten beleide op dat die/geschiet zelen zij den cost gelijc drage(n) en(de) henricken gegoedt zijnde/sal hij meest(er) matheeuse voirs(creven) tvoirs(creven) gelt d(aer)op hij nu gehaven/heeft ii pet(er)s voirts oplegge(n) en(de) h(ier)af hebben de voirs(creven) p(ar)tien geloeft/malcande(re)n te voldoen en(de) h(ier) af es borge svoirs(creven) meest(er) matheeus jan/maes op te biest et p(ri)m(us) hortbeke m(er)sberge junii xxviii