It(em) Also als stoot en(de) geschille opverstaen was tuschen henricken van dyoen/ janne maes en(de) henricken maes soen wilen henricks maes als erfgenamen/ katlinen wilen swelden van winxele van hoe(re)r moeder wegen in deen/ zijde en(de) janne raes en(de) claese zegers custer te winxele en(de) raesen de/ rijcke die geleidt zijn tot den goeden jans [swesens] en(de) gertruyden sweesens/en(de) sijnre zuster en(de) mertens deenkens also verre die goede den/ selven drie p(er)sonen verstorven [mochten] sijn als erfgenamen der voirs(creven) wilen/ katlinen van hairs vaders wegen in dande(re) Alse vanden goeden have/ en(de) erve gebleven na de doot der selver wilen katlinen So hebben/hen de voirs(creven) henrick van dyoen en(de) jan maes inden name van/ hen [selve(n)] en(de) den voi inden name vanden voirs(creven) henricken maes en(de) allen/ den ande(re)n erfgenamen d(er) voirs(creven) wilen katlinen van hoe(re)r moeder/ wegen welcke henricken [maes] en(de) ande(re) erfgenamen de voirs(creven) henrick/ van dyoen en(de) jan maes hier inne geloeft hebben te vervaen ter/ eend(er) zijden en(de) de voirs(creven) jan raes claes segers en(de) raes de/ rijcke voe(r) hen en(de) inden name vanden voirs(creven) janne en(de) g(er)truden/ sweesens en(de) mertens deekens en(de) van allen den ande(re)n erfgename(n)/ der voirs(creven) wilen katlinen van hairs vaders wegen die de selve/ jan claes raes claes zegers en(de) raes de rijcke hier inne/ geloeft hebben te vervaen ter ande(re) hen vanden voirs(creven) gescille/ en(de) des daer aen cleve(n) mach v(er)bonden en(de) gesubmitteert te weten/ de voirs(creven) jan maes met consente jans sijns soens en(de) arnts beyart/ die tot zijnen goeden beleidt zijn verbonden ende gesubmitteert/in segge(re)n en(de) vriendelic yffene(re)n [voer scepen(en) van loeven] in lodewijcken van schore woute(re)n/ de becke(re) mu(n)te(re) andriese de nausnyde(re) en(de) lodewijcken mercx als/ segge(re)n en(de) vriendelic yffene(re)n geloven(de) vast in beiden zijden vast/ en(de) gestentich te houden wes de selve segge(re)n d(aer)af uutspreke(n)/ en(de) t(er)mine(re)n souden welke segge(re)n ter stont naden verbonde come(n)/ zijn voer [de selve] scepen(en) van loeve(n) hae(r) uutsprake vanden voirs(creven) gescille/ doende inder manie(re)n hier na volgen(de) ierst dat de voirs(creven) henrick/maes van dyoen en(de) jan maes voer hen en(de) hae(r) medep(ar)tien hebbe(n)/ en(de) trecken selen deen helicht van allen den haefliken goeden ende/ terddel van allen den erfliken goeden achter den voirs(creven) wilen/ katlinen gebleven sijn [hoedanich die zijn] en(de) de voirs(creven) wede jan raes claes segers/ en(de) raes de rijcke voe(r) hen en(de) voe(r) hae(r) wed medep(ar)tie dand(er)/ helicht vanden voirs(creven) haefliken goeden en(de) de tweedeel vanden/ voirs(creven) erfliken goeden behoudelic in desen dat de voirs(creven) jan raes/ voer uut hebben en(de) behouden sal alsulke haeflike goede als hij/ vanden voirs(creven) goeden opten dach van heden ewech en(de) te hemwart/ heeft It(em) oft e(n)niger p(ar)tien voirscr(even) vanden voirs(creven) goeden yet afgewonne(n)/ wordde met rechte van yeman(de) met ande(re)n tytule van rechte/ dan als efgename der voirs(creven) wilen katlinen en(de) die oic gheen vande(n)/voirs(creven) hae(re)n efgenamen en wae(re) dat zij [dan de voirs(creven) partien] van dien verliese drage(n)/ selen elke na advenant dat zij de voirs(creven) goede trecken s na uut/ wisen van desen trecken sele(n) It(em) dat mids desen de voirs(creven) p(ar)tien
//
verenicht s en(de) beslicht zijn selen van allen stote d en(de) gescillen die/ zij vanden voirs(creven) goeden of uut ocsuyne van dien und(er)linge/ mochten hebben uutstaende tot desen dage toe allen argelist/ hier inne uutgesceiden hier over waren j(aspar) abs(oloens) et meersberge/sept(embris) xxiii