It(em) gielijs calays geheten vand(er) eycken die geleidt es tot den goeden have/ en(de) erve henrix vanden p(er)re heeft geloeft janne eyckema(n) van/ lond(er)ssele den selven janne gheen hind(er) letsel of geweer te doen/ met den voirs(creven) beleide Hij en sal aende voirs(creven) goede moegen/ verreycken met d(er) bancken recht van lond(er)ssele alsulke wettighe/ en(de) doeghdelike schout en(de) gebreke als de voirs(creven) henrick te he(m)w(er)ts/ gehouden en(de) in gebreke es en(de) heeft de voirs(creven) gielijs tselve/ beleid quijtgeschouden zo verre dat den voirs(creven) ja(n)ne d(aer)aen/ soude moegen hynde(re)n behoudelic dat de selve gielijs vande(n)/ voirs(creven) goeden yerst sal moegen nemen en(de) aftrecken de weerde/ van iiii gulden crone(n) als voe(r) zijn schult en(de) gebreke die hij/ d(aer)aen hebben mach sond(er) argelist hortbeke m(er)sberge julii iii