It(em) Alsoe als stas goedens en(de) katlijne zijn wijf gecregen hebben en(de) genome(n)/ ten erfpachte tegen ja(n)ne en(de) vrancken bryns gebruede(re)n een huys en(de)/ hof met zijnre toebeh(oirten) gelegen te kerckem aen de kercke tuschen de/ goede jans de witte en(de) d(er) tafelen van kerckem en(de) she(re)nstrate opten/ last daer voe(r) uutgaende te weten twee capuyne erfchijs ende/ voirt op een half mudde corens erflicx pachts met vorwerden/ dat zij deen helicht d(aer)af lossen en(de) quiten zouden bynnen drie jae(re)n/ naestcomen(de) en(de) dat zij dand(er) helicht souden moegen lossen alst/ hen geliefde en(de) elc helicht met sess gulden pet(er)s en(de) met vollen/ pachte na gelande vand(er) quitingen So zijn comen voe(r) scepen(en) van/ loeven de voirs(creven) gehuysschen en(de) hebben geloeft den voirs(creven) gebruede(re)n/ de voirs(creven) lossinge en(de) afquiti(n)ge vander helicht vanden voirs(creven) halve(n)/ mudde corens bynnen den tide en(de) ind(er) manie(re)n voirscr(even) te doen/ En(de) daer voe(r) es borge henrick haes geheten weyns p(ri)mi duo/ borch(oven) lynt(re) fe(bruarii) xxv/