It(em) de voirs(creven) gelufte es geschiet voe(r) ii mudden corens erflic die jan/ wilen lambrechts zweer svoirs(creven) wout(er)s voirtiden gecregen heeft/ tegen de weduwe cornelijs wilen lambrechts en(de) ja(n)nese hoe(re)n/ soen en(de) den voirs(creven) wille(m)me en(de) zijnen wive zust(er) desselfs ja(n)nes/ op zeke(re) goede gelegen te berthem gelijc de brieve d(aer)op gemaict/ inde banck te b(er)them int jair xiiii[c] xlix x dage in sprokille/ dat inhebben uut welken goeden men nu bevynd meer uut/ gaende dan d(aer)op zij den voirs(creven) wilen ja(n)ne gewarandeert wae(re)n/ ii mudden corens lijftochten die arnd vanden velde d(aer)op eyscht/ En(de) es d(aer)om vorwerde zo verre de voirs(creven) sculde(re)n tuschen dit/ en(de) tsent jansmisse naestc(omende) de voirs(creven) lijftocht afdoen en(de) de/ voirs(creven) goede d(aer)af ontlasten datmen dan dese gelufte tenyeute/ doen sal maer of zij des niet en daden so sal de voirs(creven) wout(er)/ hem behulpen metten voirs(creven) scepen(en) brieve van loeven na/ inhoud desselfs en(de) alsdan sal hij zond(er) zijnen cost [of last] den voirs(creven)/ wille(m)me de voirs(creven) ii mudde bebrieft te b(er)them ov(er)geven met/ rechte en(de) voerts so hebben de voirs(creven) sculde(re)n hem geloeft ongesu(n)d(er)t/ iiii mudden rogs love(n)scher maten die hem gebreken vanden/ voirs(creven) pachte van ii jae(re)n lestleden tuschen dit en(de) sinxenen/ naestcomen(de) te betalen en(de) te loeven te leve(re)n etp(ri)m(us) eisd(em)/