Vand(er) weduwen aebs/ It(em) Nadat katline wellens weduwe jacobs wilen aebs en(de) hoire kynde(re) bisund(er)/ hennen hoir zone biden rade vander stad te meer stonden geweest zijn/ om beslicht te worden van tghene des hen van katlinen wilen aebs des/ voirs(creven) wilen jacobs zuster en(de) d(aer)na van elen wilen des voirs(creven) jacobs ende/ katlijnen zijns wijfs docht(er) verstorven oft toecomen zijn mochte En(de) ald(aer)/ met tusschen spreken en(de) (con)sente genoech der voirs(creven) p(ar)tien ov(er)dragen wairt/ datmen tvoirs(creven) versterfnissen ten hoeghsten bringen en(de) vercopen zoude/ d(aer)toe de voirs(creven) moed(er) en(de) kynde(re) v(er)gaderen zouden en(de) de goedinge behoirlike(n)/ met geluften van genoechdoen(e) en(de) waerscape doen en(de) de wettighe/ schout betaelt zijnde zoude men mett(er) overbaten renten copen zoude(n)/ erflic oft lijflic lijftocht daer inne versiende der voirs(creven) katlijnen der/ moed(er) de tocht oft theffen en(de) d(aer)na de rinten te comene opte kynde(re) der/ voirs(creven) gehuysschen te geliken p(ro)fijte en(de) dat tot dier meyni(n)gen de brieve/ in gewarig(er) hand ond(er) de stad alhier bliven zouden So en heeft nochta(n)/ de voirs(creven) he(n)nen twee ryd(er)s voir zijn deel uut ocsuyn(e) van desen/ te vorde(re)n gehadt [hebbende] heeft d(aer)toe alnoch niet willen verstaen noch de/ vors(creven) guedi(n)ge doen alsoe de voirs(creven) zijn moed(er) dede hoir des te meer/ stonden [heeft] becroent thoe(re)r grot(er) schaden en(de) acht(er)deele gem(er)ct dat gelt/ te vergheefs opten wissel stonde also zij seide Es d(aer)om navolgen(de)/ en(de) ae(n)gem(er)ct des voirger(uert) steet inden rade vand(er) stad alnoch/ gecleerd en(de) tuschen de voirs(creven) p(ar)tien uutgesproken dat zij en(de) elc/ van hen zo verre in hem es zond(er) voird(er) v(er)treck hen vuegen/ selen te volvue(re)n doverdrach en(de) t(er)mi(n)acie voirs(creven) dit geschiede/ p(re)sid(entibus) roelofs substituto et pryke(re) burgim(a)g(ist)ro jasp(ar) abs(oloens) neth(enis)/ opp(endorp) wynge ouderogge et q(uam)plu(r)ib(us) aliis de (con)silio ja(nuarii) xvi
//