It(em) Nadat ten vervolge henricks de smet die naden rechte d(er) stad van/ loeven beleidt es tot den goeden jans wilen de smet zijns vad(er)s/ gescreven es geweest aen den meye(r) van merchten(en) of zijnen/ stedehoude(r) te wolverthem dat hij bedwonge joha(n)nen wed(uwe)/ des voirs(creven) wilen jans en(de) moed(er) des voirs(creven) henrix haire ha(n)de/ en(de) alle ongebruyck af te doen van den goeden h(ier)na bescr(even)/ te weten ierst van eene(n) huise en(de) hove met zijnre toebeh(oirten)/ houden(de) tsamen (½) boend(er) oft d(aer)omtrint gelegen te wolv(er)them/ aende wyntmoelen couthe(r) gelijc de voirs(creven) wilen jan de smet/ dat te besitten plach It(em) van iii dach(mael) lants gelegen inde/ selve p(ro)chie by de goede rogiers van heydenbeke en(de) den/ wege gaende tyndewaert It(em) [va(n)] v dach(mael) lants gelegen/ inde voirs(creven) p(ro)chie op dynder couther by de goede gielijs/ van opberge en(de) den wech teyndew(er)t It(em) van iii dach(mael) eeussels/ gelegen ald(aer) inden vliert by de goede wout(er)s meskens en(de)/ de goede die jan vand(er) delen houden(de) es It(em) van omtri(n)t/ i(½) dach(mael) beemts gelegen inde wolv(er)themsche beemde byde/ moelebeke ald(aer) neven de goede gheerds vand(er) heyden ende/ sjoncke(re)n van merode By alsoe hadde de voirs(creven) weduwe/ haer e(n)nichs rechts tot den voirs(creven) goeden willen v(er)meten oft d(aer)tege(n)/ yet and(er)s allege(re)n dat zij des op heden te mistide alhier/ te rechte quame gelijc onse [de] brieve voird(er) begrepen/ Aldaer de selve weduwe niet geco(m)pareert en es noch/ onschout gesonden heeft den voirs(creven) henricken (com)pare(re)nde/ en(de) zijn recht voirt versueckende So hebben de scepen(en) van loeven t(er) maniss(e) smeyers gewesen voe(r) een vo(n)nis/ zo waer de voirs(creven) weduwe niet en quame ten opstane/ smeyers en(de) van hen dat men dan den voirs(creven) henricken/ houden zoude van den voirs(creven) goeden in zijnen beleide alsoe/ verre alst noch voe(r) scepen(en) comen es cor(am) j(aspar) abs(oloens) borch(oven)/ lynt(re) hortbeke meersberge sabbato ja(nuarii) xvii
//