It(em) de voirs(creven) p(er)sone hebben malcande(re)n geloeft elc van zijnen/ aengedeelte d(er) voirs(creven) lijfpensien [dande(r)] scadeloes te houden en(de) tontheffe(n)/ En(de) hebben alle gade(r) ov(er)gegeven en(de) geloeft zo verre en(de) wa(n)neer de moed(er)/ met yeman(ne) van hen woenen wilt dat de ghene van hen hae(r) houden/ sal van eten drincken en(de) ande(re) behoeften wel en(de) temelic also lange/ als hae(r) gelieft met hem te bliven en(de) voe(r) de voirs(creven) rente die hij daer/ voe(r) heffen sal altoes na gelande vanden tide datse by hem zijn sal/ en(de) dat sal hij met d(er) voirs(creven) gelufte(n) moegen eysschen aen dande(r) gelijc/ oft hem selven de gelufte gedaen wae(re) te weten aen elken zijn gedeelte/ en(de) zij sal moegen vertreeken vanden eenen biden ande(re)n alsoe dicke/ alsi wilt en(de) by wien zij sijn wilt die sal se moeten aenveerden/ en(de) houden als voirscr(even) es sond(er) argelist eisd(em)
//