Cond zij allen lieden dat henrick claes van doerne mulde(r) in teg(enwoirdicheit)/ d(er) scepen(en) van loeven gestaen heeft genomen en(de) bekend dat hij genome(n)/ heeft van lambrechte van wynghe rentmeeste(r) she(re)n van croy etc(etera)/ de watermoelen des selfs he(re)n gelegen te lyetringen met den/ huyse hove en(de) beemde d(aer) acht(er) gelegen en(de) ande(re)n hoe(re)r toebeh(oirten)/ Te houden te hebben en(de) te gebruycken van kersmisse lestleden eene(n)/ t(er)mijn van sess jae(re)n langh deen na dand(er) eenp(er)lic volgende/ Elx jaers dae(re)n bynnen voe(r) en(de) om twintich mudde rogs goets/ en(de) payabels met wa(n)ne en(de) vede(re)n wael bereidt d(er) maten van/ loeven tvie(re)ndeel d(aer)af te halfm(er)te tvie(re)ndeel ts(in)t jansmisse tvie(re)ndeel/ te bamesse en(de) tvie(re)ndeel te kersmesse te betalen en(de) te loeven
//
dairt den voirs(creven) rentm(eeste)r gelieven sal te leve(re)n alle jare den voirs(creven)/ t(er)mijn due(re)nde en(de) telken termijne alse vervolghde schout Met (con)dicie(n)/ en(de) vorwerden dat de voirs(creven) mulde(r) houden sal den voirs(creven) t(er)mijn/ due(re)nde de voirs(creven) moelen van gestellen spillen ca(m)men voete/ en(de) sporen op zijnen last en(de) desgelijx sal hij alle dand(er) werck/ vanden boome opwarts houden en(de) doen maken maer d(aer)toe sal/ hem mijn he(re) de stoffe leve(re)n en(de) dande(r) instrumenten ende/ moelenwerck sal mijn he(re) sculdich zijn te houden en(de) te doen/ repare(re)n op zijnen last met (con)dicien waer de moelen mids/ dier rep(ar)acien stille bleef staende boven drie dage deen nae/ dand(er) na dat hij den rentmeest(er) dat gecundicht hadde dat dan/ van dat zij meer ledich stonde den voirs(creven) mulde(r) aen zijnen/ voirs(creven) pacht afcorten sal na gelande vanden pachte en(de) tide/ sond(er) argelist hier voe(r) zijn borgen svoirs(creven) mold(er)s alse p(ri)ncipale/ sculde(re)n ongesund(er)t en(de) elc voir al jan staep van nethene(n)/ vleeschouwe(r) en(de) jorijs de custe(r) geheten deekens van nethen(en)/ zoen henrix wilen de custe(r) et p(ri)m(us) roelants lynt(re) ja(nuarii) xxvi
//