Colard willemart huyge zijn zone/ It(em) Also alse colard willemart en(de) huge sijn zone voe(r) meye(r) en(de) scepen(en) van/ loeven(en) aengesproken hebben janne de cock [poirt(er) d(er) stad van loeven(en)] van dat hij and(er)wile na dat/ de voirs(creven) huge en(de) hij tsamen gecaetst hadden tot den selven huge seide/ dat hij hem zijn gelt genome(n) hadde gelijc de voirs(creven) colart zijn vad(er) den voirs(creven)/ janne zijn tarwe opt velt gedesrobeert oft geroeft hadde Bieden(de) de selve/ colard dat te thoene(n) hopen(de) na dien dat hem de selve jan des te bet(er)niss(e)/ doen soude een bedev(er)t te romen en(de) zijnen zone desgelijcx oft alnsulken/ bet(er)niss(e) alse de he(re)n scepen(en) wisen souden den voirs(creven) janne d(aer) op andw(er)den(de)/ dede seggen dat de woirde sulc alse die wae(re)n uut ocsuyne van spele/ geschiet wae(re)n en(de) d(aer) inne also hij meynde en soude hij also te beg(ri)pe niet/ gestelt wordd(en) om den vad(er) en(de) zone bet(er)niss(e) te doen zu(n)d(er)linge hen beiden/ gem(er)ct dat de zoen int svad(er)s brode es en(de) also een sake wae(re) hopen(de) dat/ de voirs(creven) colart en(de) huge hoirs v(er)meits met behoirlik(er) thoeniss(e) niet volcomen(en)/ en souden want hij de woirde die hij gesproken hebben mochte niet/ geseeght en hadde in v(er)mi(n)d(er)niss(e) hoirer en(de) bieden(de) des sijnen eed En(de) na/ desen de voirs(creven) colart en(de) huyge thoire(n) bethoene gewijst zijnde thoend(en)/ op hed(en) genoech des zij hen v(er)meten hadden So es tvo(n)niss(e) d(er) scepen(en)/ van loeven(en) d(aer) af gegaen dat de voirs(creven) jan gehoud(en) sal sijn den voirs(creven)/ colarde te doen een bedev(er)t te straesborch en(de) d(aer)w(er)t te porren bynne(n)/ xl dage(n) naistc(omende) en(de) goede waerh(eit) d(aer) af te bringe(n) na d(er) stad recht oft/ zijne(n) goed(en) moet hebben Act(um) in pleno scabi(n)atu fe(r)ia v[ta] febru(arii) xxvi
//