Van pete(re)n vand(er) moelen geleid met balduyne/ zoete in deen zijde en(de) jan van ysschot in dande(r)/ It(em) vand(en) gedinge geweest tusschen pete(re)n vand(er) moelen geleid met bald(uyne)/ zoeten tot den goeden jans wilen vand(en) lope geheten weyns in deen zijde/ en(de) janne van ysschot wonen(de) te casterle in dande(r) alse van eenre hofstad/ met zijnre toebehoirten gelegen te casterle aende plaetse tusschen de goede/ willems van duffle en(de) lijsbetten van pede It(em) van eene(n) eeussele groet/ twee coeyeeussele geheten de craymerie gelegen ald(aer) achter de voirs(creven) strate/ tusschen de goede jans van mechelen en(de) wout(er)s de weve(re) It(em) van eenen/ stuck lands geheten de pat gelegen ald(aer) tusschen de goede wout(er)s/ coewonde(r) en(de) willems mertens It(em) van eene(n) stuck lands gehete(n) ts(en)[t] jans/ hoeck [gelegen] tusschen de goede d(er) kynde(re)n goes en(de) d(er) kercken van casterle It(em)/ van eene(n) boend(er) heyden geheten deycken rijst gelegen aenden weytenberch/ en(de) d(er) gemeynte(n) van houthem In welke goede de voirs(creven) jan van ysschot/ gegoedt en(de) geerft was vand(en) voirs(creven) wilen janne te casterle metter/ bancken rechte ald(aer) en(de) voir en(de) eer den voirs(creven) beleide voe(r) seke(re) zijn/ dueghdelike schout en(de) gebreke d(aer) inne de selve wilen jan te hemw(er)ts/ gehoud(en) was en(de) meynde want hij de voirs(creven) guedinge hadde voe(r) den/ voirs(creven) beleide also pet(er) hem kynde dat hem de voirs(creven) goede volge(n) soud(en)/ mair p(rese)nteerde de selve jan so v(er)re pet(er) hem de schout voirg(enoemd) d(aer) inne/ de voirs(creven) wilen jan te hemw(er)ts gehoud(en) wae(re) opleggen woude hij woude/ sijn hande vand(en) voirs(creven) goeden doen en(de) hem d(aer)toe d(aer) af quijtschelden/ viii ryd(er)s hebben de scepen(en) van loeven(en) na aenspraken v(er)antwerden en(de)/ kynniss(e) des voirs(creven) pet(er)s gewijst voir een vo(n)niss(e) so v(er)re den voirs(creven) pete(re)n/ niet en gelieft zijnre wed(er)p(ar)tien p(rese)ntacie aen te nemen dat zij dan/ de p(ar)tien setten inden hof d(aer) de goede gelegen zijn cor(am) om(n)ib[(us)] scab(inis)/ febr(uarii) xxvi/