SAL7749, Akte: V°53.3 (402 van 2637)
Akte V°53.3
Act
Datum: 1455-09-04
Taal: Nederlands
Transcriptie
2015-06-22 door Wilfried GeyskensVan janne vanden kerchove en(de) janne van ganshoerne/It(em) vanden gedinge dat geweest es in recht voe(r) meye(re) en(de) scepen(en) van/loeven tuschen janne van ganshoerne droeghscheerde(r) van bruessel/in deen zijde en(de) janne vanden kerchove van s(in)t ulrix capelle poirt(er)/der stad van loeven in dande(r) alse van xx s(cellingen) groten brab(ants) gelts eens/die de voirs(creven) jan van ganshoerne den voirs(creven) onsen poirte(r) yesch voe(r)/een jaer huerre van eenen huyse en(de) hove met den bogaerde ende/ande(re)n zijnen toebehoirten gelegen ts(in)t ulricx capelle tuschen de goede/henricks coppens en(de) jans van hondshem en(de) aen she(re)nstrate ald(aer)/welcke goede de voirs(creven) jan van ganshoerne uutgewonnen hadde ov(er)/een jaer of meer met den gulden rechte van bruessel voe(r) schout/die hem sculdich was arnd vand(er) [nyeuwer] moelen [geheten de beer] van welken arnde de/voirs(creven) poirte(r) de selve goede in hueringen genomen hadde en(de) gehoude(n)/hadde tsjaers om xx s(tuvers) groote brab(ants) biedende dese poenten te thoene(n)/dair op de voirs(creven) jan vanden kerchove hem verantwerde meynen(de)/inden voirs(creven) eyssche niet gehouden te wesen want hij tvoirs(creven) erve/besat en(de) aldoe(r) beseten hadde en(de) gehouden als zijn erve na/doot h(er)jans weeck priest(er)s diens docht(er) hij getruwt hadde en(de)/die d(aer)uut gestorven wae(re) als uut zijnen erve gelijc hij boet te thoene(n)/ontkynnende e(n)nige hueringe d(aer)af tegen den voirs(creven) arnde gedaen te /hebben van welker zaken zeke(re) thoeniss(en) ten beiden zijden gethoent/wordden hebben de scepen(en) van loeven ter maniss(e) smeyers/gewijst voe(r) eemn vo(n)nis dat de voirs(creven) jan van ganshoerne met zijne(n)/eyssche te vroech op was es cor(am) om(n)ibus scabinis sept(embris) iiii[a]
Nagekeken door: Inge Moris
Moderator: Inge Moris
Laatste update:: 2012-01-05 door Inge Moris