It(em) van alle alsulken stoote en(de) geschille als uutsteet tuschen henricken van/bergen in deen zijde en(de) janne vander leck in dande(re) hebben hen de selve/p(ar)tien verbonden en(de) gesubmitteert in segge(re)n te weten de voirscr(even)/henrick in arnoldo kyp secreretar(is) d(er) stad van loeven en(de) huygen va(n)/udekem en(de) de voirs(creven) jan in meest(er) rase vanden heede secretar(is)/d(er) stad van loeven en(de) henricken mercx op alsulken vueghe dat/de voirs(creven) p(ar)tien bynnen viii dagen naestcomen(de) deen den ande(re)n/hoe(re)n eysch overgeven zelen dairop elc zijn verantwerde(n)/maken sal en(de) overgeven in gescrifte bynnen viii dagen d(aer)nae/en(de) aensprake en(de) verantwerden overgegeven zijnde zelen de/segge(re)n thoenisse aenhoiren of yeman van hen voird(er) thoenis/leyden wilt dan hij voe(r) hugen en(de) henricken mercx voirscr(even) /d(aer)inne zij hen gekeerd hebben gehadt en(de) alhier ond(er) ons leeght/nu geleidt heeft dwelc zij van weerden houden en(de) hoire/uutsprake d(aer)af doen oft bringen voe(r) scepen(en) van loeven om d(aer)af/een vo(n)nis van rechte te hebben bynnen xiiii nachten d(aer)nae/volgende Ende oft e(n)nig(er) p(ar)tien segg(er) gebrake dat hij in die/stad eenen geliken sal moegen nemen Gelovende vast etc(etera) /en(de) de voirs(creven) jan heeft geloeft zijn huysvrouwe hier inne/te vervaen Ende oft hier inne by e(n)nigen vanden voirs(creven) /p(ar)tien gebreck viele en(de) dit (com)p(ro)mis lieten uutspluyten/so hebben zij malcande(re)n geloeft van morgen in eenre /maent alhier voe(r) meye(r) en(de) scepen(en) vanden voirs(creven) geschille(n)/te rechte te comen en(de) ald(aer) rechts te plegen sond(er) argelist/hortbeke meersb(er)ge oct(obris) xxvii