Vanden he(re)n van fosse en(de) / henricken van preille/ Het zijn comen te rechte h(er)jan fellarts vicedeken h(er) bouden van/ mosmale en(de) h(er) aubeert van releghem canonicken inden name/ en(de) van weghen d(er) cap(it)len van foss(e) die na den rechte der stad van/ loeven beleidt zijn tot allen den goeden have en(de) erve henrix van/ preilles in deen zijde en(de) de selve henrick in dande(re) Aldaer/ de voirs(creven) he(re)n opgedaen hebben dat tusschen hen en(de) den voirs(creven)/ henricken een uuterlike rekeni(n)ge gedaen en(de) gesloten ware/ opten xviii[sten] dach van julio lestleden van all tghene des/ doen t(er)tijt tuschen hen uutstont alsoe dat de voirs(creven) henrick/ sculdich en(de) tacht(er) bleef in reste xxvi mudde en(de) xx dousinen/ harts corens Seggende voert dat de selve henrick rekende/ betaelt div(er)se p(er)sonen [p(ar)tien] aen h(ere)n lambrechte talleer en(de) h(ere)n janne/ noerart canonicken der voirs(creven) collegien Doende voirt seggen/ de voirs(ceven) he(re)n dat de voirs(creven) henrick bonen dat zijn goede/ hue(r) in handen stonden voe(r) tvoldoen vand(en) vorwerden ende/ pachtingen vanden goeden en(de) thienden d(er) voirs(creven) cap(it)len gelege(n)/ te aynines e(n)nige vanden selven goeden uuten lande gevuert/ en(de) ontvrymdt hadde en(de) zijnen p(er)soen vluchtich gemaict en(de)/ tot dien hem gepijndt de goede die hij alnoch in brabant hadde/ uut ocsuyne der voirs(creven) pechtingen of van hem selven den voirs(creven)/ h(ere)n te doen ontrecken by machte van beleide die hij hadde/ bekynt op zijn goede te loeven en(de) te bruessel En(de) voer dbeleid/ der voirs(creven) h(ere)n Niet tegenstaende dat hij openbairlic geloeft hadde/ en(de) gesworen ten tide vanden vorwerden der voirs(creven) he(re)n dat hij/ hem metten voirs(creven) beleiden hem niet behulpen en zoude noch den/ voirs(creven) he(re)n letsel doen of laten geschien Vanden welken zij hen/ gedroegen tot den registre dat begripende en(de) brieven d(aer)af gescr(even)/ of talsulker konden alse hen d(aer)toe behoeven zoude Hopende/ d(aer)om dat de voirs(creven) henrick hen voldoen zoude vanden voirs(creven)/ reste der voirs(creven) rekeni(n)gen en(de) dat zij hen van dien en(de) allen/ ande(re)n gebreken aen hem uutstaende richten zouden aen alle/ tghene des den voirs(creven) henricken uut saken d(er) voirs(creven) pechtingen en(de)/ and(er)s toebehoirde en(de) oic aen den p(er)soen desselfs gemerct den/ poenten van vluchtich(eit) en(de) gebroken(en) geluften en(de) zekerheid(en) voirg(enoemt)/ Sunderlinge om deswille dat biden rade vand(er) stad onlanghs/ get(er)mineert wae(re) dat de voirs(creven) henrick ten versuecke d(er) voirs(creven)/ he(re)n gehouden bliven zoude tot d(er) uutdracht vanden rechte/ hen des oic getroestende tot d(er) voirs(creven) t(er)mi(n)acien Daer tegen/ de voirs(ceven) henrick dede verantwerden dat hij den voirs(creven) he(re)n tsluyte(n)/ der voirs(creven) rekeni(n)gen ontkinde en(de) zeide dat de voirs(creven) he(re)n hem/ onlanghs leden geconsenteert hadden voe(r) gedeputeerde vand(er)/ stad rade te moegen rekenen en(de) bewijsniss(en) doen vanden
//
naestvoirleden(en) tween jae(re)n Dwelck hij ae(n)genome(n) hadde en(de)/ gep(rese)nteert den selven he(re)n d(aer)af goede vestich(eit) te doen ende/ vanden costen die hij alnoch p(rese)nteerde En(de) tot dien af te/ doen alle beleide van loeven(en) en(de) bruessel die hij op zijn goede/ hadde en(de) den voirs(creven) he(re)n (con)trarie(re)n zouden moegen Welke/ poenten van ov(er)gevene en(de) p(rese)ntacien hij boet te thoenen Seggen(de)/ oic dat hij [voer] hue(re) schout niet vluchtich geweest en wae(re) Hopen(de)/ mids desen dat de voirs(creven) he(re)n hue(re) hande lichten zouden vand(en)/ vruchten der voirs(creven) thienden en(de) ande(re)n zijnen goeden en(de) die/ den voirs(creven) henricke due(re)nde den tijt van zijnre pechtinghen/ laten volgen Op dwelke de voirs(creven) he(re)n repliceerden dat zij/ met alsulker manie(re)n uutden rechte van hue(re)n scepen(en) brieve(n)/ niet getogen oft aenden hue(re)n gepraempt en souden werden/ hen na alle gelegenth(eit) getroestende tot den rechte Alsoe/ dat hier op beide de p(ar)tien thue(re)n thoeniss(en) gewijst/ zijnde de voirs(creven) he(re)n yerst ond(er) meer ande(re) poenten va(n)/ hoe(re)n v(er)mete thoenden tsluyten vand(er) voirs(creven) rekeni(n)gen en(de)/ dat de voirs(creven) henrick d(aer) mede te vreden was Thoenende/ d(aer)na de voirs(creven) henrick met den burg(er)meest(er) en(de) e(n)nigen/ gedeputeerden uut der stad rade tvoirs(creven) (con)sent ende/ ov(er)geven d(er) voirs(creven) he(re)n na tsluyten vand(er) voirs(creven) rekeni(n)gen/ gedaen en(de) dae(n)nemen vanden voirs(creven) (con)sente en(de) de p(rese)ntacie/ vand(er) vesticheit voirscr(even) te doene Alsoe dat uuterlic de he(re)n/ scepen(en) gemaent vanden rechte hebben gewijst voe(r) een vo(n)niss(e) datmen de voirs(creven) he(re)n houden sal inde macht/ van hue(re)n beleide en(de) scepen(en) brieven tot d(er)re tijt toe/ dat de voirs(creven) henrick den selven he(re)n goede vesticheit/ sal hebben gedaen de voirs(creven) p(rese)ntacie te voldoen(e) en(de) voirt/ tot dat de selve henrick den voirs(creven) zeke(re)r sal hebben gesett/ vand(en) vorwerden der pechtingen der goede en(de) thienden/ d(er) voirs(creven) he(re)n hen te voldoene due(re)nde den tijt vanden/ jaerschae(re)n d(er) selver P(rese)ntib[(us)] o(mn)ib[(us)] scabinis ex(cep)[to] ludo(vi)[co]/ roelofs sabbato dec(embris) xi/