It(em) lambrecht geheten lambrechts wonen(de) nu te due(re)n inden lande/ van namen en(de) magriete van wynde zijn wettige huysvrouwe in/ tegewordicheid(en) d(er) scepen(en) van loeven(en) gestaen hebben openbairlic bekynt/ dat jan lambrechts brued(er) des voirg(enoemde) lambrechts thoenijs vand(en) putte/ en(de) baltasar van hoebroeck beide zwagers d(er) voirs(creven) gebrued(er)s hen den selve(n)/ gehuysschen wel en(de) wettelic v(er)nueght en(de) voldaen hebben in geroede(n)/ pe(n)ni(n)gen van alsulk(er) huweliker vorwerden van hond(er)t ph(ilip)s pe(n)ni(n)gen/ geheten clinckarde oft vier mudde erfscorens alse lambrecht lambrechts/ vad(er) d(er) voirs(creven) gebruede(re)n den voirs(creven) gehuysschen and(er)wile voir notar(is)/ en(de) getuygen geloeft en(de) v(er)borght hadde na zijn doot bewijst te zijn en(de) te/ mogen volgen etc(etera) Van welker huweliker voirwerden voirg(enoemt) de voirs(creven)/ gehuysschen de pe(n)ni(n)ghe hen openbaer zeiden getogen en(de) in hue(re)n noot/ orbe(re) bekeert en(de) bescaedt te hebben Sceldende d(aer)af quijte nu en(de) in/ toecomen(de) tijden de voirs(creven) gebruede(re) en(de) elk(er) besund(er) Gelovende de selve/ oft hue(re) goede oft erfgename(n) uut saken van dien en(de) des d(aer)aen cleven/ mach ne(m)m(er)meer aen te spreken oft te moeyen in gheenen rechte/ geestelic oft weerlic oft and(er)sins in gheenre manie(re)n En(de) want baud(ewijn)/ vand(en) putte oic zwager d(er) voirs(creven) gebruede(re)n voir hen oft zijn kint in/ dit affleggen den voirs(creven) gebruede(re)n en(de) zwage(re)n niet t(er) hand en steet/ en(de) zij int geheele dit thoe(re)n laste aldus doen afleggen en(de) cuelen den/ gehuysschen voirger(uert) So hebben oic de selve gehuysschen op redelik(er)/ salar(is) d(er) voirs(creven) afcop(er)s hand mond en(de) behulp te doen ofts noot behoeft/ en(de) zij d(aer)toe v(er)maend worden tvie(re)ndeel te v(er)volgen aenden voirs(creven) vad(er)/ kint oft hue(re) goede tzij die hem vand(en) voirs(creven) lambrechte den vad(er) oft
//
and(er)s bliven zullen om dit te v(er)reyck(en) off af te slaen also behoiren sal/ Geloven(de) de selve gehuysschen van des(er) quitan(cien) goed warand en(de) gestand/ te doene tegen eene(n)yegelik(en) also dat den voirs(creven) gebrued(er) en(de) zwagers/ vast en(de) zeker zijn en(de) bliven sal mogen Toeseggen(de) de selve gehuyssche(n)/ oft de voirs(creven) brued(er) en(de) zwagers yet voird(er) van hue(re)n hen oft yeman(ne)/ and(er)s wegen gemoeyt worden d(aer)af alt(oes) in te staen en(de) den cost en(de) last/ d(aer)af te dragen sond(er) argelist beert m(er)cels ja(nuarii) xxvii/