Cond zij allen lieden dat arnd vanden dale zoen jans vanden dale/ woenen(de) te turnhout in teg(enwoerdicheit) d(er) scepen(en) van loeven gestaen heeft/ genomen en(de) bekend dat hij genomen heeft van brued(er) wille(m)me/ van oesterzele brued(er) vand(er) ordenen van sent jans te jh(e)r(usa)l(e)m de/ thienden d(er) selver ordenen te outturnhout en(de) te nuturnhout/ behoirende [tot] den huise d(er) ordenen voirscr(even) geheten ter brake/ en(de) oic alsulke pechtingen als henrick frans jan claes en(de)/ henrick de vijt woenen(de) te duffel vand(er) selver ordenen gehouden/ hebben en(de) gelijc jan van ghiele al tghene des voirs(creven) es/ voermaels in jairschae(re)n gehouden heeft Te houden te/ hebben en(de) te gebruycken van sent jansmisse dat was int/ jair xiiii[c] vijfen(de)vijftich lestleden eenen t(er)mijn van neghen jae(re)n/ langh deen na dand(er) sond(er) middel volgende Elx jaers dae(re)n/ bynnen te weten op dierste jair [voer en(de) om] int jair lvi twee hond(er)t/ en(de) drien(de)vijftich rijnsch(e) gulden(en) van goude goet en(de) gheve/ der vier coervorst(er)s mu(n)ten van goude goet en(de) gheve dand(er)/ jaer te weten int djair [va(n)] lvi voe(r) driehond(er)t en(de) xxviii rijnsch/ gulden(en) tderde jaer te weten [djaer va(n)] lvii [voe(r)] twee hond(er)t lxxviii rijnsch/ guld(en) tvierde jaer te weten [djaer va(n)] lviii voe(r) ii[c] en(de) liii rijnsch/ guld(en) tvijfte jaer te weten lx int ja djaer van lix om/ iii[c] xxviii rijnsch tseste jaer te weten [djaer va(n)] lx voe(r) en(de) om/ ii[c] lxxviii rijnsch(e) guld(en) tsevenste jaer te weten [djaer va(n)] lxi voe(r)/ ii[c] liii rijnsch guld(en) dachste jaer te weten [djaer va(n)] lxii voe(r)/ en(de) om iii[c] xxviii rijnsch gulden(en) en(de) op dleste en(de) dnege(n)ste/ jaer voe(r) te weten [djaer van] lxiii voe(r) en(de) om ii[c] lxxviii rijnsch(e)/ gulden(en) al d(er) mu(n)ten voirscr(even) deen helicht te paesschen/ en(de) dand(er) te sinxenen te betalen en(de) inde wisselen te/ loeven oft tandwerpen daert den voirs(creven) h(er) [brued(er)] wille(m)me best/ gelieven sal te leve(re)n alle jare den voirs(creven) t(er)mijn due(ren)de/ en(de) telken t(er)mijne alse vervolghde schout It(em) es vorwerde/ oft gebuerde dat oft god wille niet zijn en sal dat den/ voirs(creven) arnde schade geschiede aen de voirs(creven) goede bynnen/ den voirs(creven) t(er)mijne van hagelslage tempeeste oft gemeyne(n)/ oirloge so sal den selven arnde d(aer)af afslach geschien/ ter taxacien van goeden knapen [hem des v(er)staende] en(de) na mesvalle der/

saken sond(er) argelist [vynck nausnyde(re) sept(embris) vi] Ende waert dat de voirs(creven) arnd inde/ voirs(creven) betalinge en(de) geluften namaels in gebreke wae(re)/ die te voldoen het ware [in] all oft in deele so heeft hij/ geloeft en(de) gesekert ten heiligen ter maniss(en) des voirs(creven)/ brued(er) willems bynnen d(er) stad van loeven te comen met/ eenen p(er)de in een h(er)berge die hem de voirs(creven) brued(er) wille(m)/ noemen sal en(de) daer bliven leystende op zijne(n) cost sond(er)/ d(aer)uut te scheiden in e(n)nig(er) manie(re)n voe(r) d(er)re tijt toe dat/ hij den voirs(creven) brued(er) wille(m)me van des voirs(creven) es volcomelic/ voldaen sal hebben vynck nausnyde(re) sept(embris) vi scab(inis) et opida(n)is eod(em)/