It(em) de voirs(creven) arnd heeft geloeft den voirs(creven) janne in vestich(eiden) vand(en)/ voirs(creven) warandeerscape tond(er)pande te setten en(de) verbynden/ een boend(er) lands van zijnen goeden gelegen te zeempse niet
//
meer belast zijnde dan met den grontchijse en(de) dat tott(er)/ tijt dat de voirs(creven) pet(er) laureys jane behoeflike guedinge/ doet vanden voirs(creven) pachte voe(r) hof en(de) heere en(de) dat/ gedaen sal den ond(er)pant los zijn en(de) de voirs(creven) andries/ heeft quitgeschouden zijn beleid tot arnds goeden als/ vanden voirs(creven) boend(er) alsoe verre alst der voirs(creven) obligac(ien)/ hynd(er) dragen mochte eisd(em) Ende de voirs(creven) jan heeft geloeft/ den voirs(creven) arnde ov(er) te geven eene(n) scepen(en) brief van loeve(n)/ die hij hem bekend heeft van xxxvii(½) rijd(er)s te xxv stuv(er)s/ tstuck zo wa(n)neer hem de voirs(creven) obligacie geschiet es/ en(de) hij betaelt es van des bet(er) zijn xxxvii(½) rijd(er)s dan/ xxxv pet(er)s xviii stuv(er)s voe(r) den pet(er) dair voe(r) hij den/ voirs(creven) sack corens heeft en(de) d(aer) toe van xxviii stuvers/ die hij betaelt heeft van des(er) guedingen en(de) van drie/ pet(er)s die hij noch vand(en) coste vanden beleide dat hij heeft/ doen doen tot des voirs(creven) arnds goeden van brieven d(er) meye(re)n/ wijne en(de) and(er)s geleden heeft eisd(em)/