Nurode houdert/ Item nadat de bedezett(er)s van nuwerode onlangs voir tgebreck/ vander beden onss gened(ichs) he(re)n hadden doen beco(m)me(re)n zeke(re) goede/ inde p(ro)chie van nurode gelegen toebehoiren(de) wille(m)me boeg(ar)ts/ henricken de weerd woute(re)n bauds jorise straetma(n)s en(de) meer/ ande(re)n Welck goede ond(er) den ande(re)n voer wet te nurode tot/ betalingen der beden verloeft zijn geweest En(de) die van/ houdert oft de bedezett(er)s desselfs dorps dat mids scrivene d(er)/ stad alhier verworven hadden te schutten en(de) de voirscr(even)/ bedezett(er)s van nuwerode alhier betogen So hebben de/ voirs(creven) bedezett(er)s van wegen d(er) voirs(creven) twee dorpe alhier zo/ verre voer den rade vand(er) stad in aenspraken en(de) v(er)antw(er)den/ mu(n)delinge en(de) met gescrifte gep(ro)cedeert dat de raid vand(er)/ stad de reden(en) en(de) bescheid tallen zijden dienen(de) aengehoirt/ en(de) voir oegen genomen dinstructie vand(er) loepend(er) beden/ en(de) tverloven voirscr(even) gevisenteert En(de) oic gelett op de/ costume en(de) ov(er)drach dat die van houdert ter (con)trarien/ vanden voirs(creven) van nurode allegeerden met riper/ delibe(r)acien ov(er)draghen get(er)mineert [heeft] en(de) tuschen de voirs(creven)/ p(ar)tien voer redelich(eit) en(de) recht op den dach van heden/ uutgesproken dat den voirs(creven) van nurode den t(er)mijn/ vand(er) beden d(aer)af zij trecht bego(n)nen hadden volgen sal/ na der instructien en(de) verlovene voirs(creven) Behoudelic/ hebben de voirs(creven) p(ar)tien van e(n)nig(er) costumen of ov(er)drage/ yet te vorde(re)n dat zij dat doen moegen met rechte/ Act(um) p(re)siden(tibus) meldert willem(air) burgim(a)g(ist)ris (et) aliis/ in (con)silio notabilit(er) (con)gregato sabb(at)o aprilis ii