It(em) vranck van dyeven burg(er)meest(er) en(de) jan vand(er) phalizen briede(r)/ sijn comen voe(r) scepen(en) van loeven bekynnen(de) dat zij und(er)linge/ een coopma(n)scap en(de) vorwerde aengegaen wae(re)n alsoe hier/ na volght te weten dat de voirs(creven) vranck v(er)cocht heeft den/ voirs(creven) janne den selven ja(n)ne tegen hem coepende Alle/ weken drie jair langh due(re)nde en(de) ingaende te kersmesse/ lestleden een bier mouts alsulx alsmen ten tide bynnen/ loeven maken en(de) gemeynlic verbruwen sal elck bier/ mouts voe(r) viii gripen xl pl(a)c(ken) payments voe(r) elck g(ri)pe/ gerekent te betalen alle jare den voirs(creven) vrancken en(de) goirde/ den bubbele(re) aut alt(er)i in vier geliken paymenten ten t(er)mine(n)/ h(ier)na bescr(even) te weten ts(in)t jansmisse [te] bamesse [te] kersmisse en(de)/ tons(er) liev(er) vrouwen dage anu(n)ciacio de voirs(creven) iii jaer/ langh en(de) telken t(er)mine alse v(er)volghde schout d(aer)af den yerste(n)/ t(er)mijn zijn sal ts(in)t jansmisse naestc(omende) en(de) den lesten ten/ naesten ons(er) liev(er) vrouwen dage anu(n)ciacio na duutgaen/ vanden voirs(creven) tide en(de) t(er)mine hier inne bevorw(er)t dat de/ voirs(creven) jan alle jare quijt hebben sal zond(er) yet d(aer)af te/ geven (½) bier mouts en(de) tvoirs(creven) mout sal de voirs(creven) vranck/ gehouden zijn te leve(re)n inde moutmoelen te loeven en(de)/ hier voe(r) is borge svoirs(creven) jans jan vand(er) phalizen zijn/ soen et p(ri)m[us] k(er)smake(re) abs(oloens) ja(nuarii) xiii/