Met desen brieve salmen laten beleiden den voirs(creven) laureise totten goede(n)/hier na genoemt dair inne de voirs(creven) henrick gegoedt en(de) gheerft es/te weten tot eenen huise en(de) hove met zijnre toebeh(oirten) geheten s(in)t/jorijs gelegen toverijssche tegen den kerchof aldair over tuschen/de goede reyners van stakenborch en(de) tcleyn straetken ald(aer) It(em) tot/eenen stalle metten boegarde en(de) ande(re)n zinen toebeh(oirten) gelegen/op dand(er) zide vanden voirs(creven) streetkene tuschen tselve streetken en(de)/de goede willems de haen en(de) voirts tot allen den ande(re)n goeden des/voirs(creven) willems have en(de) erve met welken beleide de voirs(creven)/lauwereys hem behulpen sal moegen dat hij vand(er) geluften/h(ier)na bescr(even) voldaen werde en(de) van ii½ rijnsch guld(enen) eens/te kersmesse naestc(omende) en(de) hem d(aer)af volcomelic voldaen wesende/salmen de voirs(creven) schoutbrief metten beleide den voirs(creven) wille(m)me/laten volgen eisd(em)