SAL7752, Act: V°219.3-V°220.1 (1117 of 1440)
Search Act
previous | next
Act V°219.3-V°220.1  
Act
LanguageNederlands

Transcription

2019-12-31 by Jos Jonckheer
It(em) vanden geschille dat voe(r) den rade vand(er) stad geweest es tusche(n)/
lijsbetten achter de kercken en(de) henricx vand(en) eynde als erfge[na]me(n) ar(nol)[d(us)] wilen das/
met wille(m)me van haesdonck die tot hoe(re)n goeden beleid es in deen zijde/
ende arnold(us) van kets in dande(re) als [van] xlii crone(n) die de selve arnold(us) ontfaen/
hadde vand(en) voirs(creven) wilen arnoldo met ene(n) gobbelette vand(en) welke(n) de voirs(creven)/
erfgename(n) yeschen restitucie d(aer)op de selve ar(nol)[d(us)] ov(er)gaff in eend(er) cedulen/
zeke(re) parcheelen die hij d(aer) op betaelt hadde en(de) uutgegeve(n) die hij meynde/
dat he(m) afcortinge doen soud(en) en(de) oic xviii pet(er)s te xviii st(uvers) den pet(er)s die/
hem aenseeght wae(re)n bij gielisen bode clerck ind(en) heyligen geest en(de) eene(n)/
meeste(re)n robbeerte woenen(de) op te biest als middeleers tuschen de voirs(creven) p(ar)tien/
en(de) dat he(m) desgelijcx afcortinge doen soude eene(n) nobel hem bij ar(nol)[d(en)] das gemaict/
ende dat hem tvoirs(creven) gobbelet volghen soude ind(en) name van zijne(n) soen/
dien dat de voirs(creven) wile(n) ar(nol)[d(us)] gemaict hadde als hij seyde So heeft de raid/
vand(er) stad de voirs(creven) p(ar)tien al int lange in hoe(re)n redene(n) en(de) besceide/
aengehoert get(er)mineert en(de) uut gesproke(n) voe(r) recht alse vand(en) voirs(creven)/
geschille [ierst so v(er)re arnold[(us)] voirs(creven) zijnen eed doet] dat hij de voirs(creven) p(ar)cheelen bij hem ov(er)gegeve(n) also uutgegeven/
heeft doegdelic sond(er) hem d(aer)inne te suecken dat hem dan die afcortinge/
doen selen It(em) zo v(er)re de voirs(creven) gielijs hem gescaet dat hem de voirs(creven)/
xviii peters voe(r) zijne(n) arbeid bijden voirs(creven) gielisen en(de) meester robberte/
aen[ge]seeght wae(re)n en(de) dat de p(ar)tien des in hem gekeert hadden dat hem dan/
die oic afcortinge doen selen It(em) alse vand(en) voirs(creven) noble en(de) gobbelette/
so es d(er) stad uutsprake datme(n) testament svoirs(creven) wile(n) arnold(en) d(aer) af aenhoe(re)n/
en(de) visente(re)n sal en(de) na inhoude van dien d(aer)af doen act(um) in pleno/
(con)silio fe(bruarii) xxiii/
hier na volght dinhout vand(er) cedulen ov(er)gegeve(n) bij/
arnoldo van kets/
/ dits uutgeve(n) dat ic arnoldus van kets uutgegheve(n) hebbe als/
tot p(ro)va(n)cie(n) ende exequien arnoldi das en(de) van ande(re)n poente(n)/
geliker wijs de p(ar)tien hier na staen genoempt met (con)sente/
van arnoldus das erfgename(n) a(nn)[o] xiiii[c] lviii infra augustu(m)/
et mens(em) nove(m)br(is) f[o]/
Item gegheve(n) linkene ti(m)mers tot p(ro)va(n)cie(n) die zij ende willems moed(er) en(de)/
line wermoes v(er)teerden bynne(n) den huyse d(aer)af de so(m)me compt op vii g(ri)pe(n)/
xxvii pl(a)c(ken) It(em) gegeve(n) vrancken parisijs doen hij d(aer) oic was eene(n) guld(en)/
beyers va(lent) xlii pl(a)c(ken) Item gecocht ii mudde weysinx ende die gegeve(n)/
den arme(n) doen me(n) arnoldus voirs(creven) en(de) sijnder huysvrouwe(n) uutvaert/
dede elc halster coste(n) xiiii(½) pl(a)c(ken) xiiii augusti v(alent) v grijpe(n) xxxii pl(a)c(ken)/
Item gegeve(n) ter kercken tot xxviii p(er)sone(n) ond(er) priesters en(de) andere elke(n)/
xv gr(ipen) ende xii misd(ienaere) onder die lasen in p(rese)ncie(n) ende hadden gelesen/
ende lasen oic dair na ende iiii stuv(er)s voe(r) sprochiaens misd(ienaere) ende metten/
kinderkens en(de) om gode gegeve(n) doent(er)tijt compt tsame(n) op xxxv stuv(er)s/
en(de) vii(½) groit(er) py(tancien) va(lent) ii grijpe(n) xxvi pl(a)c(ken) iiii s(cellingen) py(tancien) Item gegeve(n) margriete(n)/
der bedersen viii stuv(er)s va(lent) xxiiii pl(a)c(ken) Item ae(n) naghele dat brued(er) karle(n)/
alle de slote aen dore(n) venagelde iii pl(a)c(ken) Item henricken bart wijng(ar)de(r)/
van dachuere(n) ind(en) wijngaert xii pl(a)c(ken) Item pete(re)n de draye(re) van ii/
dootscrijne(n) xxxvi pl(a)c(ken) Item henricke(n) de bart van bone(n) te derschene/
iiii pl(a)c(ken) Item d(er) vrouwe(n) vand(er) hagen van ii kersen tstuck van iii l(i)b(ra)/
van viii kersen tstuck van ii pont ii l(i)b(ra) spinden te wetene xxiiii l(i)b(ra)/
elc l(i)b(ra) xi pl(a)c(ken) make(n) tsame(n) iiii guld(enen) dies gaf zij nu wed(er) ii stuvers/
compt op vi grijpe(n) xviii pl(a)c(ken) Item vander camer dore(n) slote en(de) van/
eend(er) cra(m)me(n) op te sold(er) dore die af gebroke(n) ware(n) van wed(er) op te slane/
i(½) pl(a)c(ken) Item gegeve(n) loet(er)ene den voerma(n) vand(en) wijn te bringhene vande(n)/
roeselberch xii pl(a)c(ken) Item van eene(n) slote dat de p(ro)chiae(n) vand(er) biest dede/
doe(n) met consente vand(en) erfgename(n) xviii mit(en) Item h(er) machiel den/
p(ro)chiae(n) van eene(n) dertichste xx st(uvers) i(½) grijpe Item roelof van scaetbroeck/
van chise va(n) winegheem die ar(nol)[d(us)] das tacht(er) was ae(n) hem xxx mit(en)/
Su(m)ma va(n) des(er) compt op xxvii grijpe(n) xix(½) pl(a)c(ekn) iiii py(tancien) Item opte(n) xx[te(n)]/
dach octobr(is) anno ut sup(ra) vand(en) lakene dat gielijs bode cochte heylegeest/
meester s(in)[te] pet(er)s te loeven(e) vand(en) licope xx xii pl(a)c(ken) It(em) vanden juweelke(n)s/
die lambeert willem meester robeert en(de) lijsken deden wege(n) doen dese/
juweele(n) gielise voirs(creven) gelevert wae(re)n met houd(er) allen (con)sente va(n) wegene/
iii pl(a)c(ken) Item h(er) pete(re)n de coste(re) opte biest voir sijn luye(n) voe(r) ar(nol)[d(us)]/
das en(de) zij(n) huysvrouwe uulede xxi st(uvers) va(lent) ii grijpe xxiii pl(a)c(ken) It(em) meest(er)/
janne stockelpot p(ro)chiae(n) voe(r) zijn recht i(½) grijpe(n) Item vore d(er) kercke(n)/
recht als voe(r) dat ar(nol)[d(us)] das ende zijn huyvrouwe ligge(n) ind(en) koer va(n)/
ons(er) vrouwe(n) xiii pet(er)s xviii stuvers vore den peter come(nde) op xvii/
grijpe(n) xxii pl(a)c(ken) en(de) van assisen ende meetg(elt) dat dese voirs(creven) erfgename(n)/
/ ende p(ro)curerders v(er)cochten gielise voirs(creven) te wetene cc elle(n) liiii lind(en) [linens] lakens/
xxi pl(a)c(ken) iiii mit(en) Item den werde(n) ind(en) vossensteert va(n) hoppe(n) die/
vranck d(er) stad bode ende lincken ty(m)mers met meer ande(re) diet thuys/
v(er)waerden verdroncken hebbe(n) binne(n) xii weke(n) compt op hondert/
leliarts xxix maken iiii guld(enen) et xvi stuv(er)s ende i leliart v(alent) vii grijpe(n)/
x pl(a)c(ken) vi mit(en) Item van brode dat dese v(er)teert hebben by(n)ne(n) den/
huyse te henricke(n) proyters betaelt xxxiiii st(uvers) va(lent) ii grijpe(n) xxii pl(a)c(ken)/
Item voe(r) mijn testame(n)t eene(n) ing(elschen) nobel iii grijpe(n) xxx pl(a)c(ken) Item so/
heeft arnoldus van kets voe(r) sijne(n) arbeyt ende dienst die hij gedaen heeft/
arnoldo das van iii jae(re)n tsjaers vi pet(er)s dies heeft ar(nol)[d(us)] van kets een/
tafelken voe(r) viii peters ende in gelde x pet(er)s valent xxv xiii(½) grijpe/
Item so bleef arnoldus das mi sculdich van geleende gelde dat ic voe(r)/
hem betaelde v(½) stuv(ers) va(lent) xvi(½) pl(a)c(ken) Item so hebbic betaelt voe(r) arnoldo/
das c en(de) xxv heerinx elc xxv viii pl(a)c(ken) compt op xl pl(a)c(ken) Su(m)ma/
van desen compt op xlix grijpe(n) xxxix(½) pl(a)c(ken) x s(cellingen) py(tancien) su(m)ma s(umma)[r(um)] compt/
op lxxvii g(rij)pe(n) xix(½) pl(a)c(ken) ii s(cellingen) py(tancien)
ContributorsInge Moris , Paul Peeters , Sabrina Keyaerts , Agata Dierick
Moderated bykristiaan magnus
Last update: 2012-09-20 by Sabrina Keyaerts