Item na dat ten vervolge henricks tanginsart en(de) pierarts de pla(n)chenoit /beleidt tot den goeden jans sabba (etc) gescreven ende versocht es geweest /andries lonchon ende jan deux vies beleidt ten goeden maignen weduwe /jans wilen sabba dat zij hen verdroegen den voirs(creven) beleidden oft den /yersten sabba ongebruyck met hue(re)n beleide te doen oft voirder d(aer)mede /te schutten zine begonnen recht van ii mudden corens erflix oft /dat zij des op heden alhier te rechte quamen zo lieve zij hen mette(r) /voirs(creven) beleide behulpen willden So en zijn de voirs(creven) yerste geleyde /niet [te rechte] verschenen dand(er) hen te rechte p(rese)nterende en(de) recht voert bege(re)nde /den welken navolgen(de) den voirs(creven) yersten(en) sabba brieve verleent zijn aen /de wet van goy dat men hem trecht voert doe also dat behoert gem(er)ct /der (con)tu(m)acien voirs(creven) tot dat die hier gepuert mocht worden gelijc de /selve brieve voirder in houden moghen act(um) sabb(at)o decembr(is) ii/