SAL7752, Akte: V°18.2 (133 van 1440)
Akte V°18.2
Act
Soort akte: ?
Soort akte: ?
Datum: 1458-07-13
Taal: Nederlands
Transcriptie
2020-01-12 doorGu(m)maer van p(er)ck lyere scouth(eit)/
Item also als ten vervolghe gu(m)maers van perck s(in)te pet(er)sman van loeven vander/
stad wegen van loeven gescreven ende versocht es geweest den scoutheit van/
lye(re) dat hij den voirs(creven) onsen s(in)tepet(er)sman(ne) ontsloege ende wilde hij oft de vorst(er)/
te lye(re) hem yet eysschen oft dair op allege(re)n dat zij des quamen op en/
donredaghe naestcomen(de) alhier voe(r) meye(r) ende s(in)te pet(er)sman(ne) te rechte/
Ende mids dat de voirs(creven) scoutheit ten voirs(creven) yersten versuecke den voirs(creven)/
s(in)te pet(er)sman(ne) niet en ontsloech so waert hij anderw(er)ff gescreven en(de) v(er)socht/
dat te doen of hem te comen [verantwerden] tsgoensdaighs voer den voirs(creven) donredach/
tot den rechte yerst bescheid(e) Aldair tot beiden daghen de voirs(creven) s(in)tepet(er)sma(n)/
na den tweesten brieve ontslagen zijnde comen es en(de) nyeman(de) anders dair/
tegen ende uut dien datmen opten voirs(creven) donredach alhier niet en dinghde/
noch mids nootsaken van der richt(er)s gedingen en conste So p(rese)nteerde hem/
de voirs(creven) go(m)mair voer de burg(er)meest(ere)n en(de) ande(re)n vanden rade alhier op/
heden zunderlinghe alse bereet tot den rechte [van] den sake voerg(enoemt) om/
den voirs(creven) scriven(en) ende versuecke na te volgen zo verre in hem wae(re)/
cor(am) kersmak(er) cok(eroul) (et) aliis de consilio f(eria) v[ta] julii xiii
Nagekeken door:
Moderator: kristiaan magnus
Schepenen
- Claus de Keersmakere
- Quinten Cockeroul
- stadsraad
Laatste update:: 2012-09-14 door Sabrina Keyaerts