Item huyghe van udekem voirspreke die na den rechte d(er) stad van loeve(n) /beleidt es totten goeden omberuerliken goeden jorijs van udekem zijns neve(n) /heeft tselve beleid quijtgeschouden vand(en) voirs(creven) goeden also verre als zij hove(n) /ende geleghen zijn ond(er) den hootvo(n)niss(e) van nyvele ende [de] voirs(creven) jorijs ende /henrick van bossuut dair af voir meye(r) ende scepen(en) van gottekem teghen /malcande(re)n in recht stae(n) geloven(de) de voirs(creven) huge vast ende van weerden /te houden zo wes d(aer)af tuschen de voirs(creven) p(ar)tien bider voirs(creven) wet /van gottekem oft hoe(re)n voirs(creven) hoede den scepene(n) van nyvele gewijst oft /gevo(n)nist zal werden Bij also dat de voirs(creven) sake vand(en) voirs(creven) goeden /voe(r) de scepen(en) van gottekem oft hoe(re) hoede gesleten ende geuutent werdt /ende and(er)ssins niet beert colen fe(bruarii) xxvi/