It(em) villicus lov(aniensis) med(iantibus) scabinis lov(aniensibus) add(uxit) fr(atr)em petru(m) moens (con)v(er)su(m) mo(na)sterii/ vallis virginu(m) iuxta lynthe(r) ad om(n)ia et sin(gu)[la] bona he(re)d(itaria) et i(m)mobilia reyneri quond(am) vaes filii quond(am) joh(ann)is p(ro) c(er)tis p(ro)miss(ionibus) cond(uctis) et (con)ve(n)t(is)/(con)sc(ri)pt(is) in l(itte)ris scabinor(um) lov(ananiensium) quar(um) tenor sequit(ur) in h(ec) v(er)ba Cond/ zij allen allen l lieden dat jan van roode jans sone van rode woenen(de)/ te binckem in teghewordicheiden d(er) scepen(en) van loeven gestaen heeft/ genome(n) ende bekint dat hij genomen heeft van bruede(re)n symoene van/ bockenv rode? ende pete(re)n moens co(n)verse des godshuys van meechdendale/ bij lynte(re) ende henricke boelart als gemechticht inden name en(de) van wegen/ des selfs godshuys de boeverye bynne(n) den selven godshuyse staende metten/ winnen(de) lande dair toe behoe(re)nde Te houden te hebben ende te wy(n)nen van/ half merte naestcomende eene(n) t(er)mijn van twelf jae(re)n lang sond(er) middel/ v(er)volgende Elx jaers dae(re)n bynne(n) o(m)me ende voe(r) [hondert] elfen(de)een half mudde/ ende twee siste(re)n harts corens mate van thiene(n) en(de) pacht van oplynthe(re)/ en(de) de thiende gelijc men inde voirs(creven) boeverye inne gedaen heeft om/ eenen(de)veertich mudde harts corens pachts ende mate voirscr(even) algad(er) met/ wa(n)ne ende vloegele wael bereit tsinte andries messe appostels te betalen/ alle jare den voirs(creven) t(er)mijn due(re)nde telken t(er)mine als v(er)volghde schout Item/ sal de voirs(creven) wy(n)ne jaerlix den voirs(creven) t(er)mijn due(re)nde noch gheve(n) ende/ betalen twintich mudden gersten ten termine voirs(creven) sond(er) afslach vanden/ voirs(creven) pachte met alsulken vorwerden dat de voirs(creven) wy(n)ne den voirs(creven)/ t(er)mijn due(re)nde jairlix geve(n) sal vijftich mudden ghersten ende d(aer) voe(r)/ sal men hem jairlicx afcorten van zijne(n) pachte vijfen(de)twintich mudd(en)/ corens en(de) waer hij even(en) voirs gherste leverde so sal hij voe(r) elc mudde/ ghersten gheven seven siste(re)n even(en) vort es vorwerde dat mijn vrouwe/ dabdisse jairlix den voirs(creven) t(er)mijn due(re)nde sal moeghen doen kyesen een/ half boender lants vand(en) lande dat de voirs(creven) wy(n)ne te pachte genomen/ heeft ende dat sal de voirs(creven) wy(n)ne moeten wy(n)ne(n) ende wel ende loflic bereide(n)
//
ende mesten om rapen d(aer) op te wy(n)nen en(de) dat zal de selve wy(n)ne doen/ sayen met groeten raepsaye maer de lochtene(re) sal hem dair toe den/ saedt moeten leve(re)n ende van dien lande en sal de voirs(creven) wynne/ gheene(n) pacht gheven mair men sal hem den pacht afslaen nae gelande/ vand(en) voirs(creven) lande en(de) [zo] wa(n)neer soe dat die rapen uutghelesen zullen zijn/ so zal de voirs(creven) wy(n)ne met dien lande zijn p(ro)fijt moegen zijn doen mair/ gevielt alsoe dat die rapen niet wael en gedijden ende den raepsaet/ staende bleve sal m(ijn) voirs(creven) vrouwe dabdisse metten saede hue(re)n wille doen/ vort sal de voirs(creven) wynne den voirs(creven) t(er)mijn due(re)nde jairlix de voirs(creven) co(n)ve(n)te/ leve(re)n vijfthien mudden raepsaets goet ende costbaer ende voir elc mudd(e)/ raepsaets dat hij also levert salme(n) hem afcorten van zijne(n) pachte twe mudd(en)/ corens It(em) sal de voirs(creven) wy(n)ne jairlix sculdich zijn te leve(re)n den voirs(creven) godshuyse/ also veele grauwer erwiten alsmen d(aer) inne behoeven zal ende voe(r) elc mudde/ erwiten dat hij levert salmen hem afslaen van zinen pachte en mudde core(n)s/ Ende de selve wynne zal sculdich zijn mijn vrouwen voirs(creven) te leve(re)n twe/ mudden witter eruweten sond(er) e(n)nighen afslach van zine(n) pachte Item heeft/ de voirs(creven) wynne noch genomen ende bekint dat hij genome(n) heeft als bove(n)/ de lande d(er) pytancien ende d(er) poirten vand(en) voirs(creven) cloeste(re) toebehoe(re)nde Te/ weten d(er) pytancien lande om eenen(de)twintich mudden harts corens ende/ d(er) poirten lande om achthien mudde ende twe siste(re)n corens der maten/ van thienen voirs(creven) Alle tsinte andries messe appostels te betalen ende bynne(n)/ den voirs(creven) godshuyse op den grainir ald(aer) te leve(re)n telk(en) t(er)mine alse v(er)volghde/ schout Item zal de voirs(creven) wynne alle vruchten en(de) coren die hij bynne(n) den/ voirs(creven) t(er)mine op de voirs(creven) lande wynnen zal ende hebben moeten vueren/ inde voirs(creven) boeverie ende nergerens elder ende alle tstroe d(aer)af comen(de)/ sal hij te meste bekeere(n) en(de) dat op tvoirs(creven) lant vue(re)n en(de) nergerens eld(er)/ Item sal de voirs(creven) wynne jaerlix leve(re)n also vele stroes alsme(n) behoeven/ zal inder kercken ende inde pande te struwen ende also vele betstroets/ alsmen int voirs(creven) godshuys behoeven zal en(de) indien datmen hem wed(er)/ levert doude betstroe ende zo vele oreten alsmen int tselve godshuys behoeve(n)/ sal de huyse ende de muere mede te vorstene ende te houden ende oic/ also vele oreten alsmen behoeven sal m(ijn) vruwe(n) p(er)de ende d(er) gasterien/ p(er)de mede te struwen Sal de voirs(creven) wy(n)ne oic sculdich zijn te leve(re)n/ Vort sal de lochtene(re) des voirs(creven) godshuys jairlicx moeghen halen/ inde boeverie also vele mest als hij behoeven zal op twe lochtenhove/ te mesten geleghen bijde smisse en(de) de voirs(creven) wynne sal hebben ende/ behouden den voirs(creven) t(er)mijn due(re)nde eene(n) lochten hof bynnen den/ cloester liggen(de) acht(er) de po[e]rtschuere strekende totter schouwen Item zal/ de [voirs(creven)] wynne wel en(de) loflijc houden des voirs(creven) godshuys huysinghen/ van wande ende van daken vand(er) smissen acht(er)weert metter clepperie(n)/ bogaerde sond(er) de tiegheldake vand(er) voirs(creven) boeverien dair inne de
//
voirs(creven) wynne niet gehouden zijn en zal It(em) sal de voirs(creven) wynne alle de/ voirs(creven) lande vand(en) voirs(creven) godshuyse ten uutgane vand(en) voirs(creven) t(er)mine/ laten also hij die vant te sijnen aencomen(en) Te weten(e) den art acht(er) otten/ vanden steene metten cruysvelde metten mertse op te steengroeve ende/ vijf zillen lants te houthem met wynt(er)coren besaet en(de) den ouden lochten/ ende twe zillen lants acht(er) otten vanden steene ende tgroet tstucke/ geleghen in midden vand(en) cloestervelde met raepsayde besayet ende de selve/ raepsaede lande ten uutgane van zijne(n) voirs(creven) t(er)mine wel ende loflijc/ gemest laten ter ghersten ende wel bevreedt ende alle de stortte en(de) brake/ zal hij eens laten gheackert ende o(m)megedaen Item zal de voirs(creven) wynne/ der pytancien en(de) porten lande voirg(enoemd) laten te zijne(n) afscheyde also hij die/vvant te sijne(n) aencome(ne) vort sal de voirs(creven) wynne zijne(n) voirs(creven) termijn/ due(re)nde hebbe tscaepe eusel den wouwerbeempt den leeuwerbeempt en(de) de/ naweyde van steynenbeempde den pertsbempt aen tcloesterbroec den/ beempt achter de hutte geh(eten) den schilt ende eene(n) pandt int groet broeck/ aende gheete gelegen geh(eten) de twe boender ende dair uut sal de voirs(creven) wynne/ den voirs(creven) termijn due(re)nde vijfen(de)twintich d(er) voirs(creven) vrouwen ende co(n)ve(n)te/ sculdich zijn te leve(re)n alle weken van goedenvrijdage ingaende tot alre heylige(n)/ dage toe veertich pont bote(re)n maer quame alre heylighen dach op den/ vrijdach so sal hij des eene weke meer gheven ende d(aer) toe sal hij elcx jaers/ den voirs(creven) t(er)min due(re)nde leve(re)n vijfen(de)twintich [hondert] alsulker keese alsmen inde/ voirs(creven) boeverie gewoenlijc es te maken Ende alle dage van opten yersten/ dach van meye tot op des heylighen dach cruysdach in evemaent vijf quarte(n)/ melcx ende zal hij oic gheve(n) tottern terwen veerthien werven tsjaers/ sesthien quarten melcx ende te twee laettijden tsjaers telken male achten(de)veertich/ potten melcx Item sal de voirs(creven) wynne den voirs(creven) co(n)vente gheve(n) seve(n)werve(n)/ tsjaers telken male acht potten sanen desgelicx sal de wynne voirs(creven) geve(n)/ den bruede(re)n vand(en) voirs(creven) cloestere alle sondage van sinxendach tot des/ heylighen cruysdach exclus een quarte zanen en(de) d(er) kellerssen vanden/ voirs(creven) cloeste(re) vand(en) hoochtide d(er) heiligher drievuldich(eit) tot des heilighen/ cruys daghs alle sondaghe dae(re)nbynne(n) twee quarten zane(n) en(de) al sond(er) afcorte(n) / van des voirs(creven) is Item en sal de voirs(creven) wynne ten ande(re)n tween laettijden / alsmen gevoenlijc is int tvoirs(creven) godshuys te laten gheen melc dorven geve(n) / totten witte moeze Item sal de voirs(creven) wynne jairlicx den voirs(creven) t(er)min due(re)nde / d(er) voirs(creven) mijnd(er) vrouwen ende hue(re)n co(n)vente gheven en(de) betalen sessenseventich / gulden te weten sess thien silve(re)n pe(n)ni(n)ghen geh(eten) stuvers d(er) mu(n)ten ons gened(ichs) / she(re)n tsh(er)toghen van bourgo(ig)n(en) en(de) van brabant voe(r) elken gulden gerekent / half ts(int) jansmesse baptisten ende half ts(int) remeysmesse Item sal de voirs(creven) wy(n)ne / hebben den voirs(creven) t(er)mijn due(re)nde alle tdraf ende tslick dat jairlix vallen / zal int panhuys ende d(aer) voe(r) zal hij leve(re)n vijf weken voe(r) s(in)[t] jansmesse / baptisten goede laetverken(en) en(de) dier sesse En(de) een maent voir kersmesse / oic sesse goede laetverken(en) oft voe(r) elc verken gheve(n) twe gulden hollansche / oft de weerde d(aer) aff ende d(aer) af sal de voirs(creven) abdisse kore hebben totten / verken(en) oft totten gelde Item sal de selve wynne jaerlicx den voirs(creven) t(er)mijn
//
due(re)nde d(er) voirs(creven) abdissen leve(re)n te beloken(en) paeschen twee goede laetcalve(re)n / van sesse weken oudt met goeden dicken melke gevoedt en(de) opgehouden / en(de) over and(er) jair den voirs(creven) t(er)mijn due(re)nde op sinte lambrechts dach / eene(n) goeden beer oft d(aer) voe(r) vier gulden(en) hollan(sche) oft de weerde d(aer) aff / dwelc de voirs(creven) abdisse kyesen sal Item sal de voirs(creven) wynne gheven alle / jare der voirs(creven) abdissen tusschen paesche(n) en(de) sinxenen twee goede costbae(re) / hamele oft twe gulden(en) hollan(sche) d(aer) vore vort zal de voirs(creven) wynne alle / die [vors(creven)] goede dair hij bate af trecken sal den voirs(creven) t(er)mijn due(re)nde van grechten / ende van thuyne(n) wel ende loflijc bevreden en(de) also laten als hij die / vant te zijne(n) income(n) ende hij sal alle die boeme ten gewoenliken tijde / doen truncken ende de loke d(aer) af comen(de) doen v(er)luyken op de voirs(creven) goede / en(de) die poten die dair af come(n) zullen planten ende setten dair de / voirs(creven) abdisse bege(re)n sal in goeden ende behoirliken tijde Ende de voirs(creven) / wynne sal de voirs(creven) pooten v(er)wae(re)n als zij gesedt ende geplant zijn / dat zij niet v(er)derft en worden vanden beesten Item zal de voirs(creven) / wynne den voirs(creven) t(er)mijn due(re)nde houden verren en(de) beeren den lieden / vand(en) dorpe van oplynthe(re) also dat d(aer) aff gheen becroen en come Item / sal de voirs(creven) wynne d(er) kellerssen vand(en) voirs(creven) cloeste(re) jairlicx wynte(re)n / vijf coeye den vette(re) eene ende gorde anssems eene ende die hante(re)n / gelijc de sijne(n) vort salmen den voirs(creven) wynne leve(re)n tusschen dit en(de) sinte / denijs messe hondert ende vijftich scape de welke hij wel ende loflijc / hueden ende vueden sal die te deylen alle twee jae(re)n half ende half / Ende de voirs(creven) mijn vrouwe dabdisse zal den voirs(creven) wynne leene(n) hae(re)n / smet hae(re) smisse en(de) hae(re)n rademake(re) ende des sal de selve wynne / leve(re)n yser ende hout Ende d(aer) voe(r) sal de voirs(creven) wynne jairlicx houden / van toebroede ende vueden drie wagenknapen d(er) voirs(creven) abdissen toebe/ hoe(re)nde Item wart dat sake dat op de vruchten den selven wynne / tobehoe(re)nde e(n)nighe scadelike tempeeste geschiede oft dat hij va(n) e(n)nigher / reysen oft orloege aen sijn goede scade name so sullen de voirs(creven) bruede(re)n / symoen ende peter van des voirs(creven) godshuys weghen d(aer) af den selve(n) / wynne rastoir doen en(de) afslaen na gewoente(n) d(er) cappittulen va(n) ludicke / also men hue(re)n en(de) pechtene(re)n pleech te doene Ende men sal sculdich zijn / den selven wy(n)ne te v(er)hueden van allen ongewoenliken costen It(em) zal de / voirs(creven) wynne de voirg(enoemde) goede bynne(n) ende buyte(n) laten ten uutgane van / zijne(n) t(er)mine also hij die vant te zine(n) incomen Item sal de voirs(creven) wynne / den voirs(creven) t(er)mijn due(re)nde moeghen malen bynne(n) den cloeste(re) alle zijn broetcore(n) / en(de) men zal hem leve(re)n alle veerthien(n)achten eene ame biers ende d(aer) vore / sal de voirs(creven) wy(n)ne jairlicx betalen sesse mudde ghersten It(em) sal de voirs(creven) wy(n)ne / jairlicx gheven den bachuysknapen voe(r) dopdraghen vand(en) coren(en) twee siste(re)n
//
corens It(em) kynde en(de) lijde de voirs(creven) wynne dat hij van mijnd(er) vrouwe(n) d(er) abdissen / en(de) haren co(n)vente te zijne(n) income(n) vand(en) voirs(creven) pechtinghen ontfaen heeft / alrehande goede gescadt ende getaxeert inder werden ende prijse als hier / na volght Item inden iersten den grooten wagen met vier p(er)den met sijne(n) / getouwe twee paer lede(re)n een paer corve Item eene(n) cleyne(n) wage(n) met eene(n) / pair lede(re)n drie plueghe gelijc sij te velde gaen twee eechden met twee eechdewisse(n) / te samen getaxeert op driensestich rinssche gulden(en) Item veerthien coye getaxeert / op sevenen(de)tachtentich gulden(en) rinssche Item bedde(n) voe(r) de maerte(n) en(de) knapen / seven gulden(en) rinssche It(em) een voelken van twe jae(re)n en(de) drie vuelen(en) van eene(n) / jare getaxeert op negenthien rynssche gulden(en) It(em) twee verren den eene(n) / van drie jae(re)n den ande(re)n van twee jae(re)n ende sesse calve(re) getaxeert voe(r) / derthien ryns gulden(en) It(em) vijfen(de)veertich verkene getaxeert op vie(re)nen(de)twi(n)tich /ryns gulden(en) [rijnsche] Item sal de voirs(creven) wynne op sijne(n) last alle de beesten uutvoeste(re)n / naden voirs(creven) t(er)mine tot op den yersten dach van april It(em) want de voirs(creven) / wynne ten income(n) vant hoy stroe veertich hoope erweten ende crucken so / sal hij d(aer) also vele laten oft d(aer) voe(r) gheve(n) neghen gulden(en) ryns ten uutgane / van zijne(n) termijne It(em) heeft hij noch gehadt eene(n) cop(er)en pot wegen(de) tween(de)v(er)tich / pont te vier pl(a)c(cen) brabants ghelts elc pont Item eene(n) fornaysketel It(em) / noch eene(n) grooten ketel It(em) twee swerte ketele Item eene(n) witten ketel getaxert / op drie gulden(en) rynssche Item eene(n) grooten coop(er)en pot twee cleyne / cop(er)en potten een plat becken eene cop(er)en zije een cop(er)en pa(n)ne een yse(re)n / panne een lavoir een vischspaen te samen getaxeert op vierdalve(n) gulden(en) / rynsche It(em) eenen(de)twintich hynnen twe hane(n) thien eynden eene(n) weendere / Item noch twe draeghbedden een groete rynne een schermsel eene(n) rondeel / twe quade sedelen eene(n) morsel eene(n) stoete(re) twe nuwe waschcuypen eene(n) / cruyshael It(em) twe roesters een tanghe vier erden melccruyken twee sae(n)potte / derthien eerden melc teylen vijf hulten teylen twelf holten scotelen neghen / lepelen vijf herinckvate een bier ame een halster twee rieke twee mesthake /vvijf wa(n)ne een kevie een raepsaet zeefte twee tobben eene(n) zetel eene(n) brantroede / eene(n) blaesbalch drie manden een botervat drie lant(er)nen welke porceele [voirscr(even)] de / voirs(creven) wynne also goet late(n) sal ten afscheide(n) van zijne(n) t(er)mine als hij die / vant te zijne(n) income(n) met alsulker vorwerden dat de voirs(creven) wy(n)ne ten uutgane / van zine(n) voirscr(even) t(er)mijne d(er) voirs(creven) mijnd(er) vruwe(n) d(er) abdissen en(de) hae(re)n co(n)vente / de voirs(creven) goede wed(er) leve(re)n sal gelijc die voe(r) gespecificeert staen oft d(aer) voe(r) / betalen alsulken gelt als d(aer) voe(r) dat die getaxeert zijn ten kore m(ijn) vruwe(n) / voirs(creven) En(de) alle dese vorweerde(n) condicien ende geloften voirg(enoemd) hebben geloft / de voirs(creven) p(ar)tien deen den ande(re)n altijt te voldoene telken t(er)mijne dat die / vallen ende v(er)schijnen sullen En(de) telken t(er)mijne alse v(er)volghde schout hier / af zijn borgen des voirs(creven) wynne(n) als p(ri)ncipael sculde(re)n ongesundert ende /ongescheiden o(n)v(er)scheiden en(de) [oic] elc voir al jan vand(en) rode de jonge va(n) kerckem / willem va(n) buetschoe(re) van aetrode arnt vand(en) roode van binckem henric vand(en) / eynde gort va(n) brant alle beide oic va(n) binckem pet(er) hane de jonge va(n) buetsele / vranck vaest [vaes] van ast en(de) reyne(re) vaes sone wilen jans welke borgen de voirs(creven) / wynne geloeft heeft van des voirs(creven) is costeloy[e]s en(de) scadeloy[e]s tontheffen hier wae(re)n / ov(er) willem(me) de naen en(de) henric van velpe scepen(en) te loeven(en) Gedaen int jair ons / h(ere)n duysent vierhond(er)t tween(de)vijftich opte(n) lesten dach van februario Et h(ab)uit / que(re)las h(iis) int(er)f(uerunt) p(ry)ke(re) coelen maii xiiii/