Item na dat henrick van wailhain die voer meye(re) en(de) scepen(en)/ van loven(e) zeke(re) scepen(en) brieve van pechtingen op janne willems/ vetwarier gevo(n)nist hadde ter eenre zijden en(de) de vors(creven) jan/ t(er) ande(re) gehoert zijn geweest bijden raide vander stad ende/ zunderlinghe dat de vors(creven) henrick versocht heeft dat hem de vors(creven)/ jan voldede van zinen scepen(en) brieven oft dairaff hem te rechte/ quame voer meye(re) ende scepen(en) van loven(e) (et)c(etera) Soe es bijd(er) stad/ ov(er)dragen en(de) den p(ar)tien uutgesproken dat zij nad(er) noenen bij/ een gaen om te verliken oft zij konnen en(de) en d es dies niet/ dat zij hen zonder vertreck te rechte vuegen voe(r) meye(re) en(de)/ scepen(en) vors(creven) Ende want na rechte de vors(creven) henrick den vors(creven)
//
janne zoude moegen doen houden soe heeft de vors(creven) jan die vast en(de)/ zeker in desen genoech es toegeseeght uuter stad niet te trecken mair/ hem te rechte te neyghen tot dat de sake met den rechte oft mi(n)lic/ beslicht zij cor(am) pynnoc cok(eroel) burgim(a)g(ist)ris (et) alijs in c(on)silio sdijsd(aighs)/ julii p(ri)ma