It(em) van den geschille opv(er)staen tuschen lijsbetten zas beghine t(er) eenre ziden/ en(de) henricken de hollande(re) heuren brued(er) t(er) ande(re) alze van dat de / zelve henrick tegen der voirs(creven) zijnre zust(er) gecocht en(de) v(er)creghen/ hadde zeke(re) goede te weten huys en(de) hof metten lande en(de) ande(re)n zine(n)/ toebeh(oerten) alsoe dat de zelve lijsbeth dat houden(de) was inde p(ro)chie va(n)/ meerbeke by eversberghe met vorwerden en(de) ond(er)spreke dat de/ zelve henrick t(er)stont de vruchten en(de) tijtverdigh hout aenveerde(n)/ mochte en(de) dat hij den co(m)me(r) en(de) allen last uut saken vande(n) selven/ goeden en(de) coope geboe(re)nde dragen en(de) alsoe in tijts betalen/ zoude dat der selv(er) zijnre zust(er) oft hue(re)n ande(re)n goeden egheene(n)/ last hynd(er) oft v(er)antw(er)den d(air)af toegevueght en worde noch en q(ua)me/ dwelcke oft geboerde hij heure t(er)stont afdoen zoude en(de) heure en(de)/ heur goede d(air)af costeloes ontheffen en(de) geheellic en(de) all ontslae(n)/ d(air)af hij nochtan gebreckelic ware want zij alree te ludick wa(r)e/ gedaeght en(de) gescapen te vorde(re)n laste te comen alzo zij zeide/ biedende de voirs(creven) lijsbeth all de voirs(creven) poente te thoene(n) met goede(n)/ ma(n)nen en(de) prieste(re)n dair byd(er) hand zijnde (et)c(etera) D(air)op de voirs(creven) henr(ick)/ hem v(er)antwerden(de) zeide dat hij hoopte dat de voirs(creven) lijsbeth/ zijn zust(er) dat ne(m)mermeer gethoene(n) en zoude willecorende/ datmen thoeniss(en) d(air)op aenhoerde en(de) d(air)af trecht uutsprake/ den welken navolgen(de) v(er)hoirt zijn geweest twee eerbe(re) priest(er)s/ gemae(n)t alsomen priest(er)s tot getuige d(er) wairheit sculdich es te hore(n)/ de welke droegen en(de) claerden de voirs(creven) coma(n)scap vorw(er)den en(de)/ toeseggen gelijc de voirs(creven) lijsbeth heur v(er)meten hadde alsoe geschiet/ te wezen tuygende en(de) clae(re)nde oick hoe en(de) by wat reden(en) die/ vorw(er)den alsoe geschieden all int langhe So es na all desen/ byden rade vand(er) stad overdragen en(de) voir recht tuschen de vors(creven)/ p(ar)tien uutgesproken dat de voirs(creven) henr(ick) gehouden sal zijn zij(n)re/ voirs(creven) zust(er) tontlasten en(de) tontheffen gelijc voirge(ruert) steet en(de)/ de wairheit gedragen heeft Act(um) p(re)siden(tibus) coker(oul) burgim(a)g(ist)ro/ wijtvliet hanckart (et) aliis de (con)silio sabbato nov(embris) viii