It(em) want arnd vyncke eysschen(de) es twee hollands gulden(en) erflic op/ een huys en(de) hof gelegen teversberghe d(aer)op hij trecht begonnen/ heeft te vorde(re)n voe(r) den zelven tsijs den welken de voirs(creven) pet(er)/ uuten hove en(de) de voirs(creven) yde d(er) welker de sake mede aengaet/ hem ontky(n)nen So heeft de voirs(creven) pet(er) die in meyni(n)ghen was/ alzoe hij zeide de voirs(creven) sake op zinen cost te bedinghen geloeft en(de)/ toegeseeght dat zo wes hij d(aer)af vanden voirs(creven) arnde wynd oft/ gecrigen kan mett(er) mynnen of met rechte dat hij dat den voirs(creven)/ twee kynde(re)n en(de) grietkene hue(re)r mede zust(er) sal half laten deyle(n)/ en(de) laten te baten comen eisd(em)