It(em) gheerd ricx[ens] zoen jans wilen ricxens en(de) willem ev(er)arnds/ zoen wilen willems in teg(enwoirdicheit) hebben genome(n) en(de) bekend dat/ zij genome(n) hebben van janne vander borch woenende te/ loeven inde hoelstrate vierdalf boend(er) lands of d(aer)omtri(n)t/ gelegen in eenen stucke inde p(ro)chie van meld(er)t opt/ meld(er)t velt tuschen de goede willems van kersbeke en(de)/ des altaers van ons(er) vrouwen te roesbeke comende tot/ aen de h(er)strate ald(aer) Te houden te hebben en(de) te wy(n)ne(n)/ van der maent van merte naestcomen(de) eene(n) t(er)mijn/ van tweelf jaren langh deen na dand(er) staphans volgen(de)/ elcx jairs dae(re)n bynne(n) voe(r) vier mudde hards corens/ goets en(de) payabels met wa(n)ne en(de) vede(re)n wail bereidt/ pacht van meld(er)t en(de) loevensche mate ts(in)te andries/ messe ap(oste)ls te betalen en(de) te loeven dairt den voirs(creven)/ janne gelieft te leve(re)n alle jare den voirs(creven) t(er)mijn due(re)nde/ en(de) telken t(er)mine alse v(er)volghde schout Met vorwerden/ dat de voirs(creven) wynnen tvoirs(creven) land wynnen en(de) w(er)ven sele(n)/ gelijc reengenoten boven en(de) beneden en(de) dat tallen zess/ jaren eens wel en(de) loflic ov(er)meesten en(de) zo v(er)re zij tselve land/dat bynnen den lesten drie jaren vande(n) voirs(creven) t(er)mijne/ hoervruchten willen zo zelen zij dat bynne(n) den selve(n)/ lesten drien jaren noch eens loflic moeten d(aer) voe(r)/ ov(er)sten en(de) ten eynde van desen t(er)mijne ze zelen tijt/ laten besaeyt wel en(de) loflic met cort(en) have(re)n op eene/ vore(n) Oic es hier inne bevorw(er)t dat de voirs(creven) wynne(n)/ zond(er) afslach vande(n) voirs(creven) pachte betale(n) sele(n) allen den/ tsijs uuten voirs(creven) lande gaende zo in tijts dat bij/ gebreke van dier betalinge(n) d(aer)op gheen schade en geschiede/ kersmake(r) meersb(er)ge julii xiii