It(em) van alsulken tween francken of vranckrijcksche mottoene alse/ jan de naen geheten de wiggele(re) vleeschouwe(r) ander wile ind(er) stad/ van parijs zeyde geleent te hebben vrancken willemaer nut(er)tijt/ rentmeest(er) der stad van loeven(en) en(de) oic van twee crone(n) die de/ voirs(creven) jan zeyde gedaen te hebben zeke(re)n gesellen die tsijnre bede(n)/ met hem ghingen uuter mu(n)ten en(de) hue(re)n wercke ten ocsuyne/ vanden voirs(creven) vrancken d(aer)af de zelve jan vanden voirs(creven) vrancke(n)/ betalinge begheerde ende of de zelve vrancke daer tegen zegge(n)/ woude zo waire hij des kuene te houden tzijnre eed D(aer)op de voirs(creven)/ vrancke na langh verhail en(de) reden(en) tzijnre onschout dienen(de)/ zine(n) eed boed dat hij den voirs(creven) janne d(aer)af niet sculdich en was/ maer zeide dat hij de voirs(creven) twee francken vanden voirs(creven) janne/ ontfaen hadde om die desselfs jans moede(r) te loeven te drage(n)/ en(de) dat hij huer die wel hadde betaelt na den last die hij/ d(aer)af van janne hadde en(de) dies boed hij zine(n) eed en(de) dat hij/ vanden voirs(creven) tween crone(n) den zelve(n) janne gheen beheet gedaen/ en hadde noch d(aer)af niet en hadde geweten noch sculdich/ en ware bynne(n) alden tide dat hij van parijs comen ware/ des nu omtrint xl jaer was tot welken eede en(de) onschoude/ de voirs(creven) vrancke by consente oic der voirs(creven) zijnre p(ar)tien geadmitteert/ wairt en(de) dien volquam cora(m) lyemi(n)gen burgim(a)g(ist)ro et aliis/ de consilio sabbato julii iiii