Item arnd van ermbeghem cuype(r) heeft geloeft meest(er) adame boegart/ doctoer in medicinen dat hij den zelven meest(er) adame alsulke drie/ ryders lijfpens(ien) als hij opten voirs(creven) arnde en(de) janne kijnen zine(n)/ zweer en(de) meer ande(r) heeft met scepen(en) brieven van loeve(n) voerts/ v(er)borgen sal met eenen goeden lofliken borghe ten goetdunckene/ vander stad of secretar(is) en(de) dien borghe de voirs(creven) renten in/ behoirliker manie(re)n doen geloven voe(r) scepen(en) van loeve(n) Desgelijx/ heeft geloeft laureys vander mee(re)n die svoirs(creven) jans kijne(n) docht(er)/ heeft hem zelve(n) met eenen lofliken borghe voe(r) de voirs(creven) lijfre(n)te/ te veroblige(re)n voe(r) scepen(en) van loeven(en) en(de) hebben voerts geloeft/ de voirs(creven) arnd en(de) laureys ongesund(er)t den voirs(creven) meest(er) adame te/ betalen allen verschenen(en) pacht vander voirs(creven) renten en(de) costen/ en(de) v(er)leggen die hij d(aer)om geleden heeft van beleide ende/ anderssins ende dit hebben zij all geloeft te voldoene/ tuschen dit en(de) van en sat(er)daghe naestcomen(de) in viii dage(n)/ cor(am) tymple coelen julii vii