Jan van schutteputte/[It(em)] also voe(r) den burg(er)meest(er) en(de) zeke(r) ande(re) vanden raide comen zijn jan van/ schuttenputte in deen zijde en(de) bertel cle(re)n in dande(re) aldaer de voirs(creven) jan/ op dede dat hij and(er)wile gehuert hadde tegen de weduwe gielijs wilen/ van goerbroeck en(de) also in hueringhen gehouden een huys en(de) hof gelegen/ opten dweersen keybergh eenen zek(ere)n tijt die uutghingh s(in)te jansmisse/ lestleden En(de) dat omtrent vastelavont lestleden voe(r) duutgaen vanden/ voirs(creven) t(er)mijne hij en(de) de voirs(creven) weduwe ov(er)quamen dat hij de vors(creven) goede/ noch hebben soude en(de) bliven behoudende eenen t(er)mijn van drie ja(r)en voe(r) den/ prijs daer voer hij die gehouden hadde te weten vijf peters te xix stuv(er)s/ tstuck tsjaers en(de) des soude hij toe hebben den hof daer achter geleghen/ tot den wynnende lande toe gelijc en(de) also verre hem strect derve peters/ beyarts daer aen gelegen ende met alsulker vueghen dat na der voirs(creven)/ weduwen doot nyeman gaen noch saight hebben en soude tot oft doer de/ schue(r) den voirs(creven) goeden toebehoirende Seggende voirts dat hij navol/ gende der voirs(creven) vorwerden den voirs(creven) hof ter stond aenveerde en(de) hadde/ dair op bonen doen setten en(de) dat de voirs(creven) bertel comen ware nu onla(n)gs/ en(de) hadde de bonen daer op gewassen aengeveerd ende te hemw(er)ts getoge(n)/ hem daeraen en(de) aen den selven hof also ongebruyck doende Biedende de/ voirs(creven) jan de voirs(creven) poenten te thoenen ende versueckende restitucie vande(n)/ voers(creven) bonen en(de) dat bertel hem den voirs(creven) hof liete volghen den tijt vand(er)/ voirs(creven) hueringhen due(re)nde Dair op de voirs(creven) bertel hem verantwerde/ ontkynnende den voirs(creven) janne e(n)nighe hueringhe te hebben aende vors(creven) goede/ ende bizunder aenden voirs(creven) hoff want hij dien bijder voirs(creven) weduwen/ tijde niet gehadt en hadde maer meynde dat hem dien volghen soude/ ende oic zijn gaen ende ke(re)n doir de voirs(creven) schuere gelijc de vors(creven) weduwe/ hadde gehadt want hij alle heure goede aldaer gelegen gecregen hadde (et)c(etera)/ Also dat svoirs(creven) jans thoenisse gehoirt waerd en(de) dat aengehoirt so/ es dairaf get(er)mineert en(de) uutgesproken voer recht dat den vors(creven) janne/ zijn hueringhe vanden voirs(creven) goeden also wale vanden voirs(creven) hove daer/ de questie om es alse vanden ande(re)n volgen sal den t(er)mijn van drie jaeren/ ingaende ts(in)tjansmisse lestleden tsjaers om vijf peters te xix stuv(er)s/ tstuck en(de) dat de voirs(creven) bertel den voirs(creven) janne restitucie doen sal va(n)de(n)/ voirs(creven) bonen behoudelic den selven bertelen te [zijn] gaen ende ke(re)n doer de/ voirs(creven) schue(r) tot zijnen erve ende wynnen(de) lande daer achter geleghen/ so wanneer hem gelieft ende hij des behoeft act(um) cor(am) [hoeven] burg(imagistro) et plu(r)ib(us)/ de (con)silio aug(usti) xii