[It(em)] also als jan de witte soen wilen jans anderwile bekendt heeft voe(r)/ scepen(en) van loeven vercocht te hebben jacoppen de witte zijne(n) brued(er)/ twee rijnsche gulden(en) erfliker rinten die hij den selven jacoppen/ geloefde te bewisen aen en(de) op de twee derdendeele die hij de selve/ jan hadde inde watermoelen te bivoirden gelijc de scepen(en) brieve/ van loeven dairop gemaict negenthien daghe in aprille int/ jair xiiii[c] en(de) vie(re)ntsestich dat inhielden So es comen voer/ scepen(en) van loeven de voirs(creven) jacob openbairlic bekennen(de) dat hem/ de voirs(creven) zijn brueder vanden voirs(creven) twee rijnsch gulden(en) erflic/ volcomelic met gereden pe(n)ninghen die hem dair voe(r) va(n) desselfs/ jans wegen belailt betailt zijn voldaen en(de) gecontenteert heeft/ den selven janne zijn goede en(de) eene(n)yegeliken dien dat aengaen/ mach vanden voirs(creven) tween rijnsch gulden(en) erflic en(de) vanden voirs(creven)/ geluften volcomelic quijtsceldende cor(am) abs(oloens) vynck julii x