[It(em)] jan vander ast de jonghe soen jans vander ast heeft genomen en(de) bekendt/ dat hij genomen heeft van gielise van holair zadelmake(r) thoff des selfs/ gielijs gelegen te weterbeke metten [boegairde] wynnende lande en(de) metten beemde/ geheten hemelrijcke en(de) metten beemde geheten die bruelbeke Te/ houden te hebben en(de) te wynnen van halfmerte naistcomen(de) eenen t(er)mijn/ van tweelf jairen langh deen na dander zonder middel volgen(de) elcx/ jairs dae(re)nbynnen te weten de wynnen(de) lande opte helicht vander(en) vruchten/ d(aer)op wassende en(de) de voirs(creven) beemde voe(r) en(de) derthien rijnsch gulden(en) en(de)/ zesthien stuv(er)s te xx stuv(er)s den gulden(en) ts(in)te m(er)ten half te kersmisse/ en(de) half te mye meye te betalen alle jae(re) den voirs(creven) t(er)mijn due(re)nde/ en(de) telken t(er)mijne alse vervolghde schout Met vorwerden dat de vors(creven)/ wyn jairlicx hie(re)nbynnen den voirs(creven) gielise ontbieden sal als de vruchten/ tijtveerdich zelen zijn te binden en(de) dan sal gielijs de bande slaen/ en(de) dat de wyn [sal] dyerste voeder vruchten van elcken stuck lands voe(r)/ gielisen invue(re)n sal en(de) dan dande(r) voeder voe(r) hem selven en(de) also voirt/ vervolgende tot die all also inne zijn en(de) dat de wyn de vruchte(n)/ van gielijs helicht als die gedorschen es te loeven leve(re)n sal It(em) es/ oic bevorw(eer)t dat de voirs(creven) wyn de voirs(creven) lande jairlicx wynnen en(de)/ werven sal wel en(de) loflic gelijc reengenoten en(de) die laten tsinen/ afscheiden gelijc hijze vynden sal tsijnen aencomene Te weten den/ wynt(er)aert met goeden wynt(er)coorne besaeyt op vier getidege voren/ en(de) de stortte eens omgedaen op een half boender lands na en(de) de/ brake geheel en(de) dat hij alle tstroe vanden voirs(creven) goeden comen(de)/ te meste beke(re)n sal en(de) dat vue(re)n opte voirs(creven) lande tslands meesten/ p(ro)fijte It(em) sal de voirs(creven) gielijs jairlicx moeten coopen op een myle/ omgaens den voirs(creven) hove om vier rijnsch gulden(en) tstroe en(de) de/ wyn om twee rijnsch gulden(en) dwelck de wyn sal moeten halen/ en(de) int hof bringhen en(de) slijten en(de) dmest d(aer)af oic vue(re)n opte/ voirs(creven) lande also wele opte verste als opte naeste Oic sal de/ selve gielijs jairlicx moeten coopen vijftich voeder m(er)gels ten/ naisten datmen dien ald(aer) sal vynden welcken m(er)gel de voirs(creven)/ wyn oic vue(re)n sal op van jae(re) te jae(re) opte lande voirscr(even) [ten meeste(n) profite] It(em) zele(n)/ de voirs(creven) gielijs en(de) de wyn jairlicx hebben half en(de) half alle doeft/ opte voirs(creven) goede jairlicx wassende en(de) dat te geliken coste ter/ eerden leve(re)n en(de) de wyn sal gielijs helicht te loeven leve(re)n It(em)/ sal de wyn jairlicx leve(re)n int voirs(creven) hof vijftich goeder walme(re)/ om de huysinghe d(aer)mede te deckene en(de) alsmen die v(er)dect oft/ aende huysinge ald(aer) vander und(er)ster rikelen ned(er)w(er)t werckt dan
//
sal de wyn den wercklieden den montcost gheven en(de) gielijs de/ dachue(re)n en(de) als gielijs aldair doet wercken e(n)nich oud oft/ nyeuw werck dan sal den wyn d(aer)toe den leem en(de) zavel ho/ aenhalen En(de) de voirs(creven) wyn sal gielijsen jairlicx doen zess/ corweiden tot [loeven] met zijnen wagene ende p(er)den It(em) sal de/ wyn jairlicx zijn berringhe moegen nemen aen tstrunckhout/ zo verre dat steet aende wynnen(de) lande ald(aer) en(de) niet voerd(er)/ ten behoirliken tijde en(de) des sal hij de weghe d(aer)aen liggende/ moeten houden en(de) maken op zijnen cost Voert es vorw(eer)de/ dat de voirs(creven) wyn jairlicx tsijnen p(ro)fijte alleene voe(r) uut hebbe(n)/ en(de) behouden sal een dachmael lants inde stortte niet vanden/ erghsten noch vanden besten En(de) de voirs(creven) gielijs en(de) de wyn/ zelen van malcande(re)n moegen scheiden ten yersten zess jaeren/ vanden voirs(creven) t(er)mijne bij also dat die ghene die scheiden/ wilt dat den ande(re)n een half jair te voe(re)n kundigen sall/ En(de) de voirs(creven) gielijs sal de voirs(creven) beemde jairlicx inden merte/ wel en(de) loflic bevreden [en(de) ryoelen] en(de) des sal hij te hemw(er)t hebben en(de)/ behouden alle thout d(aer)aen wassende Ende alle dese vorw(eer)de(n) (et)c(etera)/ de voirs(creven) wyn sal ov(er)tijt int voirs(creven) hof moeten houden drie vierdel/ scape en(de) niet min End(de) alle dese vorw(eer)den (et)c(etera) [En(de) hier voe(r) zijn borgen svors(creven) wynnen alse principael sculde(re)n en(de) elc voer all jan lambrechts woenen(de) te berchsem soen wilen jans en(de) laureys hellincx woenen(de) te velthem et p(ri)mus] cor(am) tymple/ blanck(ar)t fe(bruarii) pe(nulti)[ma]