SAL7759, Akte: V°245.1 (649 van 753)
Akte V°245.1
Act
Datum: 1470-05-02
Transcriptie
2023-01-06 door Karel EmbrechtsIt(em) lambrecht mathijs woenen(de) te meyssen en(de) katline mathijs weduwe/
gheerds wilen van rotselair zijn zuster hebben geco(n)stitueert en(de) wettelic/
gemechticht en(de) mids des(en) l(ette)ren in heur stad stellen en(de) wettelic mechtigen/
arnde mathijs heurer beider brueder woenen(de) te lyerop om alle/
alsulken recht versterffenisse ende gedeelte alse den voirs(creven) lambrechten/
ende zijnre zuster bleven ende verstorven zijn na en(de) vander doot/
van wijnricken wilen mathijs heuren oem inde goede beruerlike ende/
omberuerlike achter den selven wilen wijnricken gebleven hoedanich die/
zijn en(de) waermen die bevynden mach taenveerden te houden en(de)/
te gebruycken de p(ro)fijten dairaf te trecken en(de) oic tselve recht v(er)sterffe/
nisse ende gedeelte te vercoopen en(de) met rechte tot behoef des coep(er)s/
voe(r) wet op te draghen over te goeden ende te verthijen met allen/
manie(re)n en(de) pointen van rechte daer toe dienende genoechdoen ende/
wairscap van heurer beider wegen dairaf te geloven de pe(n)ninge/
dairaf comende tontfanghen en(de) quitancie dairaf te gheven Geven(de)/
en(de) verleenen(de) voirts de voirs(creven) lambrecht en(de) zijn zuster den vors(creven)/
arnde volcomen macht en(de) zunderlinge beveel de voirs(creven) heure goede/
actie en(de) gedeelte met rechte [ofts noet zij] tegen eene(n)yegeliken en(de) tot allen plaetsen/
en(de) gerichten daer dat sal moegen behoeven in aenlegg(er)s oft v(er)weerd(er)s/
stad te vervolgen en(de) te bedinghen en(de) alle manie(re)n en(de) poenten van/
rechte daer inne te vorde(re)n die na recht oft costume vand(en) plaetsen/
daer dat geboirt behoiren moegen en(de) voirts alle tghene (et)c(etera)/
Geloven(de) vast cu(m) (com)putac(ione) cor(am) hoeven burg(imagistro) tymple ouder(ogghe)/
scab(inis) f(eria) iiii post quasi modo
Nagekeken door: Jef Willemsens
Moderator: Jef Willemsens
Laatste update:: 2016-04-26 door Xavier Delacourt