[It(em)] joes absoloens nu(ter)tijt scepen(e) te loeven heeft wettelic gemechticht/ en(de) volcomen macht gegeven en(de) met des(er) l(ette)ren mechtich maict en(de)/ volcomen macht gheeft vrancken symoens geheten de custe(re) om/ alle zijn chijse renten pachten en(de) sculden diemen hem nu sculdich es/ of namails wesen te manen teyschen op te boe(re)n en(de) tontfanghen/ den sculde(re)n van zijnen ontfanghe quijt te schelden en(de) quitancie te/ gheven de selve chijse renten pachten en(de) schulden met rechte/ te v(er)volgen en(de) te bedinghen die te wynnen en(de) te verliesen en(de)/ voe(r) gebreck vanden voirs(creven) chijse en(de) renten te daghen en(de) te panden/en(de) tallen plaetsen en(de) voer alle gerichten daer dat behoeven en(de)/ te doen sal wesen en(de) alle manie(re)n en(de) pointen van rechte d(aer)toe te/ vord(ere)n die na recht oft costume vand(er) plaetsen daer dat geboert/ behoiren moegen en(de) voerts alle tghene (et)c(etera) cor(am) zande ouder(ogghe)/ aug(usti) xii