It(em) also ten vervolghe gielijs van duffle alse p(ro)cureur joff(rouwen) sainten zijnre/ moeder weduwe jans wilen van duffle welck jan na des(er) stad rechte beleidt/ es tot den goeden baudewijns raes op zeke(re) condicien gelijc de brieve dat/ begripen gescr(even) es vander stad wegen den bailliu van geldenaken de vors(creven)/ goede zo verre zij onder hem gelegen waren den voirs(creven) gielisen te doen/ volgen p(ar)tien te weten den voirs(creven) baudewijne dach bescheiden(de) op heden alhier/ in trecht te comen gelijc de brieve dat begrepen Daer de selve baudewijn/ noch nyeman anders tegen den voirs(creven) p(ro)cureur gecomen en es den selven/ p(ro)cureur compare(re)nde en(de) trecht voirts versueckende en(de) doende lezen de/ resc(ri)pcie svoirs(creven) diene(re)n van zijnre execucien so hebben de scepen(en) van/ loeven gewijst voer een vo(n)nisse so verre svoirs(creven) beleidden oft zijns sp(ro)cur(eur)s/ wed(er)p(ar)tie niet en quame ten opstaene smeyers ende van hen dat dan de/ voirs(creven) goede den voirs(creven) beleidden tot zijnre wettig(er) gebreke behoef volge(n)/ selen also verre alst noch voer ons comen es Cor(am) scabinis in sca(m)pno/ januarii xiiii

Hier na volghen de goede d(air)op/ tvoirs(creven) vo(n)nisse gegaen es/ Ierst een half boender lands gelegen ter plaetsen geheten achter de/ wijngairden bijde goede sheilichs gheests van geldenaken It(em) (½) boend(er)/ lands gelegen int dal van chebay tusschen de goede baudewijns piet(er)s/ en(de) sheilichs gheests van geldenaken It(em) een derdel van eenen boende(r)/ lands daer bij gelegen It(em) (½) boender lands gelegen boven de wijng(ar)de/ tusschen de goede jans pieret en(de) des baillius van brabant It(em) (½) boend(er)/ eygens lands gelegen ter plaetsen geheten a pont le roy It(em) vier/ roeden eygens lands daer boven gelegen bijde goede wout(er)s va(n) he(m)bremez/ It(em) drie dach(mael) lands gelegen omtrint de malladrie bijde lande tsh(er)togen/ van brabant It(em) vi dach(mael) hoofs gelegen boven de moelen geheten le/ molin laeskyn En(de) voirts alle dande(re) goede in huysen hoven [ca(m)men] wynnen(de) lande(n)/ beemden eeussele(n) en(de) alle(n) ande(re)n heuren toebehoirten gelijc de vors(creven) boudewijn houden(de)/ was