SAL7761, Act: R°124.4 (362 of 650)
Search Act
previous | next
Act R°124.4  
Act
Date: 1473-03-02

Transcription

2020-08-17 by Walter De Smet
It(em) want inder comanscap geschied vanden voirs(creven) huyskene tusschen den vors(creven)/
janne de leppe(re) en(de) jacoppen vlas bevorw(er)t es dat de selve leppe(re) tgebruyck/
dairaf hebben soude tot paeschen toe naistcomen(de) en(de) xiiii nacht d(air) nae/
en(de) datmen dan dat afbreken soude en(de) dat allen den afvall dairaff/
comen(de) behalven de steenne janne volghen soude en(de) den voirs(creven) jacoppen/
de steenne So es comen voe(r) scepen(en) van loeven de voirs(creven) jan de leppe(re)/
openbairlic bekynnen(de) dat hij den voirs(creven) afvall die hem toebehoe(re)n soude/
int voirs(creven) afbreken deughdelic vercocht heeft den voirs(creven) woute(re)n groothott/
voe(r) de so(m)me van neghen peters en(de) neghen stuv(er)s die hij in gereden/
pe(n)ninghen nu dair voe(r) ontfanghen heeft Geloven(de) den selven wout(ere)n/
den selven afval peislic te doen volghen Geloven(de) voirts oft dien afvall/
niet weerd en wae(re) ter taxacien hen des verstaende neghen pet(er)s en(de) twee/
stuv(er)s te xviii stuv(er)s den peter dat hij jan dat gebreck den vors(creven) wout(ere)n/
opleggen sal zo verre de voirs(creven) goede hem mids e(n)nigen rechte va(n) nad(er)scape/
ontghinghen en(de) and(er)ssins niet Et p(ro)inde obligavit domu(m) sua(m) cu(m) suis/
p(er)tinen(tiis) sit(am) in dorpstrata inter d(i)c(t)am ca(m)ma(m) (et) bona d(i)c(t)i jacobi p(ro)mitt(ens)/
sat(isfacere) de subpigno(r)e eisd(em)
ContributorsJan Boncquet
Moderated byJan Boncquet
Last update: 2016-05-10 by Xavier Delacourt